🕒 1 min read
नांदेड : नांदेड येथे एक खळबळजनक प्रकार घडला होता. ‘दहा कोटी रुपये द्या, नाही तर नांदेडचे जिल्हाधिकारी कार्यालय, पोलिस अधीक्षक कार्यालय व अन्य शासकीय कार्यालये बॉम्बने उडवून टाकू,’ अशा धमकीचा मेल पाठवणाऱ्या आरोपीस स्थानिक गुन्हे शाखेच्या पथकाने अटक केली आहे.
पोलिसांनी दिलेल्या माहितीनूसार, जिल्हाधिकारी कार्यालयाच्या ई-मेल आयडीवर ८ मे रोजी सायंकाळी पाचच्या सुमारास एक मेल आला. त्यामध्ये शासकीय कार्यालयांसह संपूर्ण नांदेड शहर बॉम्बने उडवून टाकीन, असा संदेश लिहिलेला होता. जिल्ह्यातील १२५ जागी हॉटस्पॉट निवडले असून बॉम्ब फुटायला तयार आहेत, अशी धमकी होती. सोबतच त्याने सर्व कार्यालयांची यादी जोडली होती.
घडलेल्या प्रकाराबाबत पोलिसांकडून गुप्तता बाळगण्यात आली. पण, यावर तपासणी सुरू होती. तांत्रिक मदतीने हा मेल पाठवणाऱ्याची माहिती काढण्याची जबाबदारी स्थानिक गुन्हे शाखेचे पोलिस निरीक्षक द्वारकादास चिखलीकर यांच्यावर सोपवण्यात आली. त्यांच्यासह इतर सहकाऱ्यांनी याप्रकरणी विविध आंतरराष्ट्रीय कंपन्यांसोबत संपर्क साधून हा मेल पाठवणाऱ्याची माहिती मिळवली. आरोपी शेख अब्दुल रफिक अब्दुल रऊफ (३५, रा.आगापुरा, अर्धापूर, जि.नांदेड) यास रविवारी अटक केली.
महत्त्वाच्या बातम्या
- ‘केंद्रावरील आरोपांबाबत कार्यकारी संचालकांचे वक्तव्य कंपनीचे नाही’, सीरम इन्स्टिट्यूटचा खुलासा
- नांदेडच्या महिलेला फेसबूकवरील मैत्री पडली महागात, अमेरिकेतील दोघांनी लाखोंना फसवले
- आरोग्यमंत्र्यांच्या आक्षेपानंतर रामदेव बाबा नरमले, ‘ते’ वक्तव्य घेतले मागे
- ‘राज्य सरकार आमच्यामुळे आहे, सरकारमुळे आम्ही नाही’, काँग्रेसचा सेना, राष्ट्रवादीला इशारा
- मराठा आरक्षणाअभावी शिक्षणाची संधी हुकली; धुळ्यात विद्यार्थ्याची आत्महत्या
