मराठी पाट्यांवरून शिवसेना ‘अॅक्शन’ मोडमध्ये

मुंबई: राज्यमंत्री मंडळाची बुधवारी बैठक पार पाडली. या दुकानांवर मराठी पाट्याच लावण्याचा निर्णय घेण्यात आला आहे. बैठकीत झालेल्या या निर्णयानंतर शिवसेना (Shivsena) आता ‘अॅक्शन मोड’ मध्ये आली असल्याचे दिसत आहे. या निर्णयानंतर शिवसैनिकांनी आता मुंबईमध्ये (Mumbai) रस्त्यावर उतरुन दुकानदारांना यासंबंधी सूचना द्यायला सुरुवात केली आहे.

मुंबईच्या विलेपार्ले परिसरात गुरुवारी शिवसैनिकांकडून दुकानदारांना स्मरणपत्रे वाटण्यात आली. या माध्यमातून दुकानांवर मराठी पाट्या लावण्याची आठवण व्यापाऱ्यांना करुन देण्यात आली. राज्यातील दुकाने आणि आस्थापनांवर ठळक अक्षरात मराठी पाटया लावण्याच्या मंत्रिमंडळाच्या निर्णयामुळे महाराष्ट्रातील राजकारण चांगलेच तापले आहे. आगामी महानगरपालिका निवडणुकांच्या पार्श्वभूमीवर या निर्णयाचे श्रेय घेण्यासाठी शिवसेना आणि मनसेमध्ये चढाओढ सुरु असल्याचे चित्र दिसत आहे.

या मुद्द्यावरून मनसे अध्यक्ष राज ठाकरे (Raj Thackeray) यांनी महाविकास आघाडी सरकारचे अभिनंदन केले आहेच पण त्याच सोबत हे श्रेय महाराष्ट्र सैनिकांचेच आहे, ते लाटण्याचा आचरटपणा कोणीही करु नये, असेही ठणकावून सांगितले आहे. तसेच मनसे नेते संदीप देशपांडे यांनी देखील या निर्णयानंतर महाविकास आघाडी सरकारवर टोला लगावत म्हणले की, निवडणुकीच्यानिमित्ताने शिवसेनेच्या पायाखालची वाळू सरकली आहे. यामुळे मराठी पाट्यांचा निर्णय घेतला, असं संदीप देशपांडे म्हणाले आहेत.

महत्वाच्या बातम्या:

• मराठवाड्यातील नांदेड आणि औरंगाबादमध्ये कोरोनाचा उद्रेक; दिवसेंदिवस वाढतेय रुग्ण संख्या!

• ‘शेतकऱ्यांसाठी पैसा नसतो, मात्र स्वतःच्या आमदारासाठी कोट्यवधींची माफी?’; केशव उपाध्ये यांचा ठाकरेंना सवाल

• ‘पुष्पा’ सिनेमातील हटके लूकमध्ये रवींद्र जडेजाला पाहून,अल्लू अर्जुनने केली कमेंट

• राज्यात ऑक्सिजनच्या मागणीत वाढ; मुख्यमंत्र्यांनी दिला कडक निर्बंधांचा इशारा

• “राकेश टिकैतांसोबत राजकीय भेट नाही तर गळ्यात भगवं वस्त्र का?”; संजय राऊत म्हणाले…