मुंबई: शिवसेना आमदार प्रताप सरनाईक (Shivsena MLA Pratap Sarnaik) यांच्यावर कोट्यवधींची फसवणूक केल्याचा आरोप आहे. या बाबत भाजप नेते किरीट सोमय्या यांनी देखील ट्विट करत ठाकरे सरकार तसेच शिवसेना आमदार प्रताप सरनाईक यांच्यावर टीका केली होती. मात्र बुधवारी झालेल्या मंत्रिमंडळाच्या बैठकीत मुख्यमंत्र्यांनी प्रताप सरनाईक यांना माफ केले असल्याची माहिती समोर आली आहे. या पार्श्वभूमीवर भाजपने ठाकरे सरकारवर टीका केली आहे.
भाजप नेते तसेच प्रवक्ता केशव उपाध्ये (Keshav Upadhye) यांनी देखील ट्विट करत मुख्यमंत्री उद्धव ठाकरे (CM Uddhav Thackeray) यांच्यावर टीका केली आहे. केशव उपाध्ये ट्विट करत म्हणतात, नियमित कर्ज फेडणाऱ्या शेतकऱ्यांना तुम्ही कबूल करूनही प्रोत्साहन भत्ता देत नाही. शेतकऱ्यांसाठी पैसे नसतात पण स्वतःच्या आमदाराच्या गैरव्यवहारावर पांघरूण घालण्यासाठी कोट्यवधींची माफी करता, अशा शब्दात त्यांनी ठाकरेंवर टीका केली आहे.
अतिवृष्टी,अवकाळी पाऊस,गारपिटीत सापडलेल्या शेतकऱ्यांना द्यायलापैसा नाही.पण स्वतःच्या आमदाराच्या गैरव्यवहारावर पांघरूण घालायला सरकारी तिजोरीचे कोट्यवधींचे नुकसान.वा रे @OfficeofUT सरकार.
अनियमित बांधकामे करा फक्त शिवसेनेचे आमदार की तुम्हाला सगळ माफ हेच @OfficeofUT सरकारच धोरण 3/3— Keshav Upadhye (@keshavupadhye) January 13, 2022
तसेच एसटी कामगारांनी तडफडून आत्महत्या केल्या पण तुम्हाला पाझर फुटला नाही. पण स्वतःच्या आमदाराच्या गैरव्यवहारावर पांघरूण घालण्यासाठी थेट मंत्रिमंडळाचा निर्णय. वा रे उद्धव ठाकरे सरकार, असा टोला देखील केशव उपाध्ये यांनी लगावला आहे. शिवसेना आमदारांना अनियमित बांधकम केले तरी सर्व माफ असल्याचं ठाकरे सरकारचं धोरण आहे, असंही उपाध्ये यावेळी म्हणाले.
महत्वाच्या बातम्या:
लॉकडाऊनवर बनवलेल्या “या” चित्रपटाच्या प्रदर्शनावर निर्बंधांचं सावट; दिग्दर्शक भांडारकर चिंतेत
“बाळासाहेबांनी उंची व्यवस्थित मोजली होती”, रयत शिक्षण संस्थेच्या वादावरून भातखळकरांचे टीकास्त्र
“शरद पवारांच्या अडमुठ्या धोरणामुळे ६७ एसटी कर्मचाऱ्यांचा जीव गेला”, सदावर्तेंचा गंभीर आरोप
कोरोनाचा हाहाकार; केंद्रीय अर्थसंकल्पीय अधिवेशनापूर्वीच ७१८ कर्मचारी पॉझिटिव्ह
लसीकरणाचं घटतं प्रमाण चिंताजनक; आरोग्यमंत्र्यांनी व्यक्त केली चिंता
