‘कितीही लखोबा-लोखंडे पाळले तरी महाविकास आघाडी अभेद्य आहे’

🕒 1 min read

मुंबई: समाज माध्यमावर महाविकास आघाडी सरकार, ठाकरे परिवार, शिवसेना नेते आणि शरद पवार यांची बदनामीकारक पोस्ट फेसबुकवर अपलोड करण्यात आल्या होत्या. या पोस्ट करणारा ‘लखोबा लोखंडे’ अर्थातच अभिजित लिमये याला पुण्यात राष्ट्रवादी काँग्रेस आणि शिवसेनेच्या कार्यकर्त्यांनी मारहाण केली आणि काळं फासलं आहे. दरम्यान हा ‘लखोबा लोखंडे’ भाजपची कृती असल्याचे काही नेत्यांनी म्हटले आहे. तर आता यावरच काँग्रेस नेत्या यशोमती ठाकूर यांनी ट्वीट करत भाजपवर निशाना साधला आहे.

‘कितीही ‘लखोबा-लोखंडे’ पाळले तरी ही महाविकास आघाडी अभेद्य आहे. लखोबा लोखंडेचे मालक या निमित्ताने समोर आलेयत. भारतीय जनता पक्षाने ट्रोल्सच्या माध्यमातून महाराष्ट्राचं राजकीय-सामाजिक वातावरण दूषित केलं आहे. महाराष्ट्राची जनता त्यांना धडा शिकवल्याशिवाय राहणार नाही.’ असे ट्वीट करत त्यांनी भाजपवर निशाना साधला आहे.

कितीही #लखोबा_लोखंडे पाळले तरी ही महाविकास आघाडी अभेद्य आहे. लखोबा लोखंडेचे मालक या निमित्ताने समोर आलेयत. भारतीय जनता पक्षाने ट्रोल्सच्या माध्यमातून महाराष्ट्राचं राजकीय-सामाजिक वातावरण दूषित केलं आहे. महाराष्ट्राची जनता त्यांना धडा शिकवल्याशिवाय राहणार नाही.

— Adv. Yashomati Thakur (@AdvYashomatiINC) September 21, 2021

दरम्यान यावरच राष्ट्रवादी महिला काँग्रेसच्या प्रदेशाध्यक्षा रुपाली चाकणकर यांनी या ‘लखोबा लोखंडे’वरुन भाजप आणि विरोधी पक्षनेते देवेंद्र फडणवीस यांच्यावर खोचक टीका केली आहे. अभिजित लिमये याला सोडविण्यासाठी देवेंद्र फडणवीसांनी कॉल केला. मग त्याने जे लिखाण केल तेच फडणवीसांचं मत होतं का? असा सवाल रुपाली चाकणकर यांनी केला आहे. दरम्यान ‘मला पकडून दाखवल्यास 100 कोटी रुपयांचे बक्षीस देणार’ असं चॅलेंज
अभिजीत लिमये याने दिले होते. दरम्यान त्याला पुणे सायबर क्राईमने ताब्यात घेतले आहे.

महत्त्वाच्या बातम्या

• राणेंना आणखी एक धक्का ? ‘उद्धव ठाकरेंनी दिलेला शब्द अखेर पाळला’ – विनायक राऊत
• चिपी विमानतळ सुरू करण्यास DGCA ची परवानगी; पुन्हा श्रेयवाद रंगणार ?
• पंतप्रधान मोदी आणि बायडन यांच्यात होणार प्रत्यक्ष महत्वाची बैठक; व्हाईट हाऊसने दिली माहिती
• महाराष्ट्र पुन्हा हादरला : नराधमांचा हैदोस, सामूहिक बलात्कार पीडितेचा दुर्दैवी मृत्यू
• पुणेकरांना आज मोठा दिलासा : नव्या कोरोना बाधितांची संख्या केवळ दोन आकडी