मुंबईतून खरेदी केलेले मॅफेड्रोन शहरात विकणाऱ्याची पोलिस कोठडीत रवानगी

औरंंगाबाद : मुंबई येथून खरेदी करून आणलेले व्हाईट मॅजिक नावाने ओळखला जाणाऱ्या प्रतिबंधित मॅफोड्रोन या अंमली पदार्थाची विक्री करण्यासाठी आलेल्या जुनेद खान जावेद खान (वय २५, गल्ली क्र. ७, बारी कॉलनी) या तस्कराला पोलिसांनी शुक्रवारी अटक केली. अटकेत असलेल्या तस्कराला ८ जुलैपर्यंत पोलीस कोठडीत ठेवण्याचे आदेश प्रथम वर्ग न्यायदंडाधिकारी व्ही.एच. खेडकर यांनी दिले आहेत.

अंमली पदार्थाची तस्करी करून विक्रीसाठी एक जण कर्णपुरा मैदानात येणार असल्याची माहिती पोलीस आयुक्त यांना मिळाली होती. या माहितीच्या आधारे आयुक्तांच्या विशेष पथकाने कर्णपुरा भागात सापळा रचून रंगेहाथ जुनेद खान याला पकडले.

त्याच्या ताब्यातून पथकाने ६.७३ ग्रॅम मॅफोड्रोन नावाचा अंमली पदार्थ आणि मोबाइल असा एक लाख १६ हजार ४५ रुपयांचा मुद्देमाल पोलिसांनी जप्त केला. चौकशीदरम्यान जुनेद खान याने सदरील अंमली पदार्था मुंबईतील आदील नावाच्या व्यक्तीकडून विकत आणले असल्याची कबूली पोलिसांना दिली. या प्रकरणी छावणी पोलिस ठाण्यात गुन्हा दाखल करण्यात आला आहे.

महत्वाच्या बातम्या

• पश्चिम बंगालमध्ये काँग्रेसला मोठा धक्का! प्रणव मुखर्जींचे पुत्र ‘तृणमूल’मध्ये
• मोहन भागवतांच्या ‘त्या’ वक्तव्यावर ओवेसी म्हणाले, ‘ही तर हिंदुत्त्वाचीच देण’
• ‘हिंदू-मुस्लिम वेगवेगळे नाहीत, सर्वांचा डीएनए एकच’, मोहन भागवत यांचे वक्तव्य
• ‘मराठा समाजाच्या प्रश्नांवर वादविवाद नकाे’, संभाजीराजेंचे आवाहन
• ‘इम्पेरिकल डेटा केवळ राज्य सरकार गोळा करू शकते, ठराव फक्त दिशाभूल करण्यासाठी’