मुंबई: ओबीसींचा इम्पेरीकल डेटा केंद्र सरकारने देण्यासाठी आज विधानसभेत ठराव मांडण्यात आला. राज्याचे अन्न व नागरी पुरवठा मंत्री छगन भुजबळ यांनी हा ठराव मांडला. पण विरोधकांच्या गदारोळातच हा ठराव मंजूर करण्यात आला. या मुद्द्यावरुन विरोधकांनी सभागृहात चांगलाच गोधळ घातला. यावेळी विधानसभा अध्यक्षांनी आमदारांना इशारा देत ठराव संमत झाल्याची घोषणा केली.
यावरून विधानसभेचे विरोधी पक्षनेते देवेंद्र फडणवीस यांनी राज्य सरकारवर हल्लाबोल केला आहे. ‘ओबीसी एम्पिरिकल डेटासंदर्भातील राज्य सरकारचा ठराव हा निव्वळ वेळकाढूपणा आहे. केवळ आणि केवळ दिशाभूल करण्यासाठी तो आणला आहे. यासाठी सर्वोच्च न्यायालयाने सांगितल्याप्रमाणेच कारवाई करावी लागेल. असे असले तरी यासाठी होणाऱ्या प्रत्येक प्रयत्नाला आमचा पाठिंबा असेल’ असे फडणवीस म्हणाले.
ओबीसी एम्पिरिकल डेटासंदर्भातील राज्य सरकारचा ठराव हा निव्वळ वेळकाढूपणा आहे. केवळ आणि केवळ दिशाभूल करण्यासाठी तो आणला आहे.
यासाठी मा. सर्वोच्च न्यायालयाने सांगितल्याप्रमाणेच कारवाई करावी लागेल.
असे असले तरी यासाठी होणाऱ्या प्रत्येक प्रयत्नाला आमचा पाठिंबा असेल!#MonsoonSession https://t.co/QRRYOsAjpA— Devendra Fadnavis (@Dev_Fadnavis) July 5, 2021
फडणवीस सभागृहात म्हणाले, छगन भुजबळ यांनी अर्धसत्य सांगितले आहे. कोर्टाने काय म्हटले हे समजून घ्या. कोर्टाने सेन्सस डेटाबद्दल भाष्य केले नाही. कोर्टाने पोलिटिकल बॅकवर्डनेसची इन्क्वायरी करण्यास सांगितले आहे. राज्य सरकारने मागासवर्गीय आयोग स्थापन करून हा पॉलिटिकल डेटा तयार करायचा आहे. त्यासाठी कोर्टाने सरकारला पंधरा महिन्याची वेळ दिली होती. पण तरीही डेटा कलेक्ट केला नाही. सेन्सस आणि इम्पिरीकल डेटा याच्यातील फरक समजून घ्या.हा प्रस्ताव निव्वळ राजकीय आहे. हा प्रस्ताव केंद्राला पाठवलं तरी त्याचा फायदा होणार नाही, असेही फडणवीस म्हणाले.
महत्वाच्या बातम्या
- ओबीसी आरक्षणासाठी केंद्राने इम्पेरिकल डेटा देण्यासाठीचा ठराव विधानसभेत मंजूर
- ‘पळून जायला मी काय मोदी आहे का?’, शिवसेना आ.प्रताप सरनाईकांनी आरोप फेटाळले
- ‘अनिल देशमुख देखील असेच मधात बोलत होते, आता ते आत जाताहेत’, मुनगंटीवारांचे सभागृहात वादग्रस्त वक्तव्य
- मोठी बातमी! ‘एमपीएससीची सर्व रिक्त पदे ३१ जुलैपर्यंत भरणार’, अजित पवारांची घोषणा
- स्वप्निल लोणकरच्या कुटुंबीयांना ५० लाख रुपये द्या; सुधीर मुनगंटीवार यांची विधिमंडळात मागणी
