‘मृतदेहांवरून राजकारण कसे करावे हे ‘या’ गिधाडांकडून शिकावं’, केंद्राचा राहुल गांधींवर पलटवार

🕒 1 min read

नवी दिल्ली : कोरोना व्हायरसच्या दुसऱ्या लाटेमुळे देशात झालेल्या विध्वसांसाठी कॉंग्रेस नेते आणि खासदार राहुल गांधी सातत्याने केंद्र सरकारवर हल्लाबोल करत आहेत. गेल्या काही दिवसांपासून त्यांनी अनेकदा केंद्रावर देशात फैलावत जाणारा संसर्ग आणि मृत्यूसंख्या या मुद्द्यावरून टीका केली आहे. मात्र, आता केंद्र सरकारने त्यांना प्रत्युत्तर दिले आहे. यावेळी केंद्राने पलटवार करताना त्यांच्यावर ‘गिधाड’ शब्दांत निशाणा साधला आहे.

काँग्रेस नेते राहुल गांधी यांनी देशातील करोनाने होणाऱ्या मृत्युंबाबत सरकारी आणि अंदाजित संख्येबाबत ‘द न्यूयॉर्क टाइम्स’चे एक ग्राफिक्स ट्वीटमधून शेअर केले. राहुल गांधी यांच्या या ट्वीटवरून केंद्रीय आरोग्यमंत्री डॉ. हर्षवर्धन यांनी पलटवार केला आहे. काँग्रेसने मृतदेहांवरून राजकारण करू नये, असा सल्ला हर्षवर्धन यांनी दिला. ‘मृतदेहांवरून राजकारण करणं ही काँग्रेसची स्टाइल आहे. जंगलांमधून गिधाडं नाहिसे होत आहेत, पण त्यांचे गुण मात्र माणसात उतरले आहेत’, असं हर्षवर्धन म्हणाले.

लाशों पर राजनीति, @INCIndia स्टाइल !

पेड़ों पर से गिद्ध भले ही लुप्त हो रहे हों, लेकिन लगता है उनकी ऊर्जा धरती के गिद्धों में समाहित हो रही है।@RahulGandhi जी को #Delhi से अधिक #NewYork पर भरोसा है।

लाशों पर राजनीति करना कोई धरती के गिद्धों से सीखे।@PMOIndia @BJP4India https://t.co/29D0yWU5wS

— Dr Harsh Vardhan (@drharshvardhan) May 26, 2021

केंद्र सरकारचा पलटवार
मृतांच्या नावाने राजकारण करणं काँग्रेसच्या या गिधाडांकडून शिकावं. ‘झाडांवरील गिधाडं सध्या दिसेनासी झाली असली तर त्यांच्यातील ऊर्जा जमिनीवरील गिधाडांमध्ये आल्यासारखं वाटत आहे. राहुल गांधींचा दिल्लीपेक्षा न्यूयॉर्कवर जास्त विश्वास आहे. मृतांच्या नावाने राजकारण करणं हे जमिनीवरील ‘या’ गिधाडांकडून शिकावं असं ट्विट हर्षवर्धन यांनी केलं आहे.

काय म्हणाले होते राहुल गांधी?
राहुल गांधी यांनी आपल्या ट्विटर अकाऊंटवरून द न्यूयॉर्क टाइम्स वृत्तपत्राचा दाखला देत आकडे खोटं बोलत नाहीत पण भारत सरकार बोलतं असं म्हटलं होतं. या वृत्तपत्राने भारत सरकार सांगत असलेले कोरोनाचे आकडे आणि प्रत्यक्षातील आकड्यांमध्ये तफावत असल्याचा दावा केला होता.

महत्वाच्या बातम्या

• ‘माझ्या नशीबामुळेच पेट्रोलचे भाव कमी झाले!’, राष्ट्रवादीकडून मोदींचा ‘तो’ व्हिडिओ व्हायरल
• भाजप १ लाख गावांना कोरोनासंबंधी मदत करणार
• ‘भाजप ऐकत नसेल तर संभाजीराजेंनी खासदारकीचा राजीनामा द्यावा’, हर्षवर्धन जाधव यांचा सल्ला
• ‘भाजपने किती सन्मान दिला, हे संभाजीराजे सांगत नाहीयेत’
• पदोन्नती आरक्षणाच्या मुद्द्यावरून नितीन राऊत काँग्रेसमध्ये एकाकी? जेष्ठ नेत्यांची साथ मिळेना