कोकण : मागील दोन दिवस कोकणात आभाळ फाटल्यागत पाऊस कोसळला आहे. कोकणातील अतिवृष्टीचा मोठा फटका रायगड जिल्ह्याला बसला आहे. अनेक ठिकाणी दरडी कोसल्याच्या घटना घडल्या. अशा परिस्थितीत तेथील लोकांचं आयुष्य विस्कळीत झालं आहे. अशा प्रतिकूल परिस्थितीत कोकणी माणसाला मदतीचा हात द्या अशी विनंती प्रसिद्ध मराठी अभिनेता भरत जाधव यांनी केली आहे.
भरत जाधवने आपल्या अधिकृत इंस्टग्रामवरून एक पोस्ट शेअर करत मदतीचे आवाहन केलं आहे. ही पोस्ट शेअर करत भरत जाधव यांनी लिहिले, ‘आपलं कोकण हे फक्त वीकेंड ट्रीप एन्जॉय करण्यापुरतं नाही. या पूर संकटात आपापल्या परीने शक्य ती कोकणाला साथ द्या. या पोस्टमध्ये जास्त दिवस टिकतील असे सुके पदार्थ, किराणा सामान, महिला व पुरुषांना लागणारी सर्व प्रकारची अंतर्वस्त्रे, अंथरुण-पांघरूण म्हणून वापरता येणारी जाड कपडे अशा विविध प्रकारे मदत करण्यासाठीची माहिती यावर दिलेली आहे. सोबतच संपर्क क्रमांकसुद्धा दिले आहेत.
https://www.instagram.com/p/CRqc5mDjB1D/?utm_source=ig_web_copy_link
दरम्यान, कोकण आणि पश्चिम महाराष्ट्रात पावसाचा जोर कायम असून, कोयना धरणाच्या पाणी पातळीत वाढ झाल्यामुळं सातारा, सांगली, कोल्हापूर जिल्ह्यातील नदीकाठच्या गावांतील नागरिकांना सुरक्षितस्थळी हलविण्यात येत आहे. कोयना धरण क्षेत्रातल्या परिस्थितीवर सरकार लक्ष ठेवत असून, सातारा, सांगली, कोल्हापूर जिल्ह्यातील पूरस्थितीत नियंत्रणात ठेवण्याचे सर्वतोपरी प्रयत्न करण्यात येत आहेत.
महत्त्वाच्या बातम्या
- ‘संकटाच्या काळात जनतेला पाठ दाखवणारे अनिल परब हे पळकुटे मंत्री’
- दोन मुलांचे धोरण देशभरात राबवणार का?, केंद्राने संसदेत दिले ‘हे’ उत्तर
- ‘डोक्यावर मृत्यू दिसत असूनही नागरिकांना मरणासाठी का सोडले?, भाजपाचा संतप्त सवाल
- ‘राज्यावरील संकटात मुख्यमंत्र्यांच्या वक्तव्याचा अर्थ म्हणजे ‘मला जमत नाही!’
- अतिवृष्टीग्रस्त भागातील नागरिकांना आता मदतीचा ओघ सुरु, निलेश राणेंचा पूरग्रस्तांना मदतीचा हात
