मुंबई: राज्य निवडणूक आयोगाने ९२ नगर परिषद व ४ नगर पंचायतींचा निवडणूक कार्यक्रम जाहीर केला आहे. यानंतर राष्ट्रवादीचे प्रदेशाध्यक्ष जयंत पाटील (Jayant Patil ) यांनी येत्या स्थानिक स्वराज्य संस्थांच्या निवडणुकीत राष्ट्रवादी काँग्रेस पक्षाच्या एकूण उमेदवारांपैकी २७ टक्के उमेदवार ओबीसी समाजाचे देण्याचा निर्णय राष्ट्रवादी काँग्रेस पक्षाने घेतला असल्याचे म्हटले आहे. यावरूनच भाजप नेते केशव उपाध्ये (Keshav Upadhye) यांनी टोला लगावला आहे.
अडीच वर्षे सत्तेत असताना ओबीसी समाजाची आठवण झाली नाही. ओबीसी राजकीय आरक्षण गमावण्यास मविआ सरकारच कारणीभूत होते. आता मात्र २७ टक्के आरक्षण देण्याच्या गप्पा मारत आहात. https://t.co/na81yITP96
— Keshav Upadhye (@keshavupadhye) July 11, 2022
“अडीच वर्षे सत्तेत असताना ओबीसी समाजाची आठवण झाली नाही. ओबीसी राजकीय आरक्षण गमावण्यास मविआ सरकारच कारणीभूत होते. आता मात्र २७ टक्के आरक्षण देण्याच्या गप्पा मारत आहात.”, असा टोला केशव उपाध्ये यांनी लगावला आहे.
जयंत पाटील काय म्हणाले?
ओबीसी समाजाला न्याय मिळणे आमच्यासाठी सर्वाधिक महत्वाचे असल्याने येत्या स्थानिक स्वराज्य संस्थांच्या निवडणुकीत राष्ट्रवादी काँग्रेस पक्षाच्या एकूण उमेदवारांपैकी २७ टक्के उमेदवार ओबीसी समाजाचे देण्याचा निर्णय राष्ट्रवादी काँग्रेस पक्षाने घेतला असल्याचे जयंत पाटील यांनी म्हटले आहे.
तसेच ओबीसी आरक्षणाच्या संदर्भात न्यायालयीन निर्णयाच्या प्रतीक्षेत आपण सर्वच जण आहोत. स्थानिक स्वराज्य संस्थांमध्ये ओबीसी समाजाला आरक्षण मिळावे यासाठी राष्ट्रवादी काँग्रेस पक्षाने सनदशीर मार्गाने सर्व प्रयत्न केले आहेत व यापुढेही करत राहू. असा निर्धारही जयंत पाटलांनी व्यक्त केला आहे.
महत्वाच्या बातम्या:
- Atul Londhe : सुप्रीम कोर्टाने शिंदे गटाला दिलासा दिल्यानंतर काँग्रेस नेते अतुल लोंढे यांची प्रतिक्रिया
- 5G Internet । 5G नेटवर्क लवकरच होणार लॉन्च; 5G बद्दल तुम्हाला पडलेल्या प्रश्नांची उत्तरे जाणून घ्या
- Asaduddin Owaisi : पंतप्रधान मोदींनी घटनात्मक नियमांचे उल्लंघन केले; ‘त्या’ प्रसंगावरून असदुद्दीन ओवैसी यांचा आरोप
- Sharad Pawar : “सुसंस्कृत आणि सुबुद्ध समाज घडवण्यात…”, औरंगाबादेत शरद पवारांचे मोठे वक्तव्य
- SL vs AUS : चाललंय काय? कसोटी सामन्यादरम्यान लंकेचा अजून एक खेळाडू आढळला कोरोना पॉझिटिव्ह!
