🕒 1 min read
मुंबई: रशिया आणि युक्रेनमध्ये युद्ध सुरु झाले असून जागतिक दबाव असूनही दोन्ही देशांनी युद्धाची भूमिका मागे घेतलेली नाहीये. रशियाचे अध्यक्ष व्लादिमीर पुतिन यांनी गुरुवारी (२४ फेब्रुवारी) युक्रेनमध्ये आक्रमण सुरू केल्याने राजधानी कीवसह प्रमुख शहरे लष्करी हल्ल्यांखाली आली आहेत. या पार्श्वभूमीवरच राष्ट्रवादीचे नेते जितेंद्र आव्हाड (NCP leader Jitendra Awhad) यांनी ट्वीट केले आहे.
जितेंद्र आव्हाड यांनी काही फोटो पोस्ट केले आहेत, ज्यामध्ये एक छोटा मुलगा युद्ध थांबवावे, अशी पोस्टर्स घेऊन उभा आहे. तर सोबतच एक बंदूकधारी सैनिक आणि त्याच्या बाजूला घाबरलेला बालक. अशी विदारक स्थिती दर्शवणारे फोटो पोस्ट करत आव्हाड यांनी म्हटले आहे की, “आपण फक्त हे पाहणार आहोत. सर्व प्रमुख देशांमधील वक्तव्ये ‘आम्ही परिस्थितीवर बारकाईने लक्ष ठेवून आहोत’ अशी आहेत. #हिटलर सुरुवातीला थांबला नाही आणि इतिहास हा शब्द ओळखतो.” यातून त्यांनी रशिया-युक्रेनमधील भयावह परिस्थिती अधोरेखित केली आहे.
R we just going to look at it and keep it …
All sratements from major countries is “we are closely watching the circumstances”#Hitler was not stopped in the beginning and history is known to the word #Hitler2 #StopPutin #StopWar #worldwar3 #Putin #NoWar pic.twitter.com/7f3NJSBavi— Dr.Jitendra Awhad (@Awhadspeaks) February 25, 2022
दरम्यान भारत युक्रेनमधून सुमारे १६००० लोकांना सुरक्षितपणे घरी परतण्यासाठी प्रयत्न करत आहे. पंतप्रधान नरेंद्र मोदी यांनी गुरुवारी रात्री पुतीन यांच्याशी फोनवर चर्चा केली असून परराष्ट्र मंत्रालय स्थलांतरासाठी जमीन मार्गांची यादी तयार करत आहे.
तर अमेरिकेचे राष्ट्राध्यक्ष जो बायडेन यांनी “पुतिन हे आक्रमक आहेत. पुतिन यांनी हे युद्ध निवडले. आणि आता त्याचे परिणाम त्यांना आणि त्यांच्या देशाला भोगावे लागतील.” असे म्हटले आहे. दरम्यान आज पंतप्रधान नरेंद्र मोदी आणि जो बायडेन यांच्यातही रशिया-युक्रेन युद्ध संदर्भात चर्चा (Biden to Discuss with India) होणार आहे.
महत्वाच्या बातम्या:
-
“ठाकरे सरकारच्या “डर्टी डझन” मधील २ नावे मी विसरलो, ती म्हणजे…”, सोमय्यांचा हल्लाबोल
-
Russia-Ukraine war : बायडेन रशिया-युक्रेन संघर्षावर भारतासोबत चर्चा करणार
बातम्यांसाठी YouTube चॅनेल Subscribe करा
Subscribe Now
