परभणी: जिल्ह्यातील जिंतूर येथील नगर परिषदेमध्ये आता गैरकारभारांचा कळस गाठला गेला आहे. जिंतूर नगरपरिषदेत कायमस्वरूपी असा कोणी मुख्याधिकारी नसल्याने येथील प्रशासकीय यंत्रणा व्यवस्थित काम करत नसल्याचे येथील नागरिकांच्या तक्रारी आहेत तसेच भ्रष्टाचार देखील मोठ्या प्रमाणात वाढत असल्याने सर्वसामान्य नागरिकांचे अनेक काम अडत आहेत तसेच काम करायचे असेल तर येथील अधिकारी व कर्मचारी लाचेची मागणी करत असल्याचेही समोर आले आहे. याच पार्श्वभूमीवर आमदार मेघना बोर्डीकर यांनी राज्याचे नगरविकास मंत्री एकनाथ शिंदे यांची भेट घेतली आहे.
भाजप नेत्या व आमदार मेघना बोर्डीकर यांनी मंत्रालयात जाऊन राज्याचे नगरविकास मंत्री एकनाथ शिंदे यांची भेट घेतली. बुधवारी दि. १६ जून रोजी त्यांनी मंत्री शिंदेंची भेट घेतली. या भेटी दरम्यान त्यांनी जिंतूर तालुक्यातील परिस्थितीचा आढावा सांगितला तसेच जिंतूर नगर परिषदेत होणाऱ्या गैरकारभारांची चौकशी करण्यात यावी, अशी मागणी देखील त्यांनी यावेळी केली आहे. येथील नगर परिषदेत गैरकारभारांनी आता कळस गाठला आहे, असे बोर्डीकर म्हणाल्या तसेच येथील प्रशासकीय यंत्रणा सुद्धा ढेपाळली आहे, असा आरोपही त्यांनी यावेळी केला.
#भेट
राज्याचे नगरविकास मंत्री मा.ना. एकनाथरावजी शिंदे यांची आज मंत्रालयात भेट घेतली. जिंतूर नगर परिषदेत गैरकारभाराने कळस गाठला आहे. कायमस्वरूपी मुख्याधिकारी नसल्याने प्रशासकीय यंत्रणा ढेपाळली आहे. अनेक योजनांमध्ये मोठ्या प्रमाणात भ्रष्टाचार झाला असून या गैरकारभारांची चौकशी करावी pic.twitter.com/JMCr7nOwne— Meghna Sakore Bordikar (@MeghnaBordikar) June 16, 2021
या बैठकीची माहिती देताना त्यांनी सोशल मिडियावर या संबंधी माहिती पोस्ट केली आहे. राज्याचे नगरविकास मंत्री एकनाथ शिंदे यांची मंत्रालयात भेट घेतली. जिंतूर नगर परिषदेत गैरकारभाराने कळस गाठला आहे. कायमस्वरूपी मुख्याधिकारी नसल्याने प्रशासकीय यंत्रणा ढेपाळली आहे. अनेक योजनांमध्ये मोठ्या प्रमाणात भ्रष्टाचार झाला असून या गैरकारभारांची चौकशी करावी, अशी मागणी केली. तसेच पाणीपुरवठ्यासह ईतर अव्यवस्थतेचा त्रास जिंतूर वासीयांना सहन करावा लागतो आहे. तो बंद होण्यासाठी येथे कायमस्वरूपी मुख्याधिकारी देण्याची मागणी केली. याचबरोबर सेलू शहराच्या विकासासाठी अतिरीक्त निधी देण्याची मागणी देखील या वेळी मेघना बोर्डीकर यांनी केली आहे.
महत्त्वाच्या बातम्या
- ‘औरंगाबाद शहरातील लोक जाती-धर्मावर मतदान करतात, त्यांना विकास आवडत नाही’
- ‘डिस्को डान्सर’ मिथुन चक्रवर्ती यांचे ७१व्या वर्षात पदार्पण
- मोठी बातमी : मूक आंदोलनातील लोकप्रतिनिधींच्या भाषणबाजीवर मराठा क्रांती मोर्चा नाराज !
- कोरोना नियमांवरून राष्ट्रवादीच्या कार्यक्रमातच मंत्री शिंगणेंकडून कार्यकर्त्यांना कानपिचक्या
- याहीवर्षी राज्यभरात भरणार मोबाईलमध्येच शाळा
