‘ज्यांचे नगरसेवक मोजायला हाताची बोटं पुरेशी आहेत, अशांनी महानगरपालिका बरखास्त करण्याची मागणी करणे हास्यास्पद’

🕒 1 min read

पुणे : पुणे महानगपालिका बरखास्त करा अशी, मागणी करणाऱ्या शिवसेनेचा पुण्याचे महापौर मुरलीधर मोहोळ यांनी खरपूस समाचार घेतला आहे. शिवसेनेची मागणी हास्यास्पद असल्याचे त्यांनी म्हटलंय.

‘पुणे महानगरपालिका बरखास्त करा’, अशी अत्यंत हास्यास्पद मागणी पुणे शहर शिवसेनेने मुख्यमंत्र्यांकडे केली आहे. पुणेकरांनी ज्यांना सातत्याने नाकारले आहे, ज्यांचे नगरसेवक मोजायला हाताची बोटं पुरेशी आहेत, अशांनी महानगरपालिका बरखास्त करण्याची मागणी करणे, यापेक्षा दुसरा विनोद तो काय?’ असे म्हणत मोहोळ यांनी पुणे शिवसेनेची खिल्ली उडवली आहे.

काय आहे पुणे शिवसेनेची मागणी ?

शहराचा विकास आराखडा जानेवारी २०१७ मध्ये मान्य झाला असतानाही ६ मीटरचे ३३५ रस्ते मीटरचे ९ मीटर करण्याचा प्रस्ताव स्थायी समितीने मंजूर केलाय. बहुमताच्या जोरावर ठराविक बांधकाम व्यावसायिकांसाठी सर्वसामान्य पुणेकर मध्यमवर्गीय कुटुंबाच्या घरावर नांगर फिरविण्याचे काम सत्ताधारी करताहेत.

शासनाला अंधारात ठेऊन मोठ्या प्रमाणावर शहर विकासाऐवजी सत्ताधाऱ्यांच्या फायद्याचा हा प्रस्ताव नियमबाह्य करुन, पुणेकरांची तसेच शासनाची फसवणूक केली म्हणूनच पुणे महानगरपालिका तत्काळ बरखास्त करावी, अशी मागणी शहर शिवसेनेच्या वतीने मुख्यमंत्री उद्धव ठाकरे यांच्याकडे करण्यात आलीये.

महत्त्वाच्या बातम्या

• पंतप्रधान मोदींनी ताटं वाजवायला लावून देशात अवदसा आणली – नाना पटोले
• १०० युनिट वीज बिल माफ करणार, असं आपण सांगितलंच नव्हतं, उर्जामंत्र्यांचा दावा
• ‘सरकारच्या आशीर्वादाने पोलीस पूजा चव्हाण केस दाबण्याचा प्रयत्न करत आहेत’
• ‘काँग्रेसनं संविधान सांभाळलं म्हणून चहावाला देशाचा पंतप्रधान झाला’
• कोटीच्या कोटी उड्डाणे : टॉप-५ बोलींमध्ये भारताचा केवळ एक खेळाडू