म्युकरमायकोसिसला वेगवेगळ्या रंगांनी नवी ओळख देणं चूकीचे ; तज्ञांचे स्पष्टीकरण

🕒 1 min read

नवी दिल्ली : देशभरात कोरोनाच्या दुसऱ्या लाटेने कहर माजवला आहे. देशात दररोज विक्रमी कोरोनाबाधितांची नोंद होत असून आरोग्य सेवेवर प्रचंड तणाव निर्माण झाला आहे. राज्यात देखील कोरोनाच्या दुसऱ्या लाटेचे इतर राज्यांपेक्षा अधिक गंभीर परिणाम दिसून आले असून अनेक नागरिकांना आपला जीव गमवावा लागला आहे.

एकीकडे देशात म्युकरमायकोसिसच्या (ब्लॅक फंगस) रुग्णांची संख्या वाढत असतानाच व्हाइट फंगस म्हणजेच पांढऱ्या बुरशीसंदर्भातही काही दिवसांपूर्वी इशारा देण्यात आला आहे. त्यातच आता यल्लो फंगसचाही पहिला रुग्ण उत्तर प्रदेशमधील गाझीयाबादमध्ये आढळून आला आहे. यामुळे देशभरातील नागरिकांमध्ये आता चिंतेचे वातावरण निर्माण झाल्याचे पाहायला मिळत आहे.

मात्र आता ‘ब्लॅक फंगस आजार स्पर्शाने पसरत नाही. तसेच या आजाराला वेगळ्या रंगांवरून नवीन ओळख देऊ नये,’ अशी सूचना एम्सचे संचालक डॉ. रणदीप गुलेरिया यांनी केली आहे. डॉ. गुलेरिया यांनी पत्रकार परिषदेत बोलताना काळ्या बुरशीचा आजार म्हणजेच ब्लॅक फंगसविषयी सूचना केल्या. ब्लॅक फंगस आजार स्पर्शामुळे पसरत नाही. तसेच वेगळ्या रंगांवरून ओळख देण्यात काहीच अर्थ नाही, असे डॉ. गुलेरिया यांनी सांगितले आहे. याशिवाय डॉ. गुलेरिया यांनी या आजाराची लक्षणे आणि करावयाच्या उपाययोजना यांविषयी माहिती दिली.

ब्लॅक फंगस आजार होऊ नये, यासाठी स्वच्छता अधिक महत्त्वाची आहे. घर, आजूबाजूचा परिसर स्वच्छ ठेवावा. तसेच पाणी उकळूनच प्यावे. शक्य असल्यास उकळवलेले गरम पाणी पिण्यावर भर द्यावा, असेही ते म्हणाले. तसेच नाकात दुखणे किंवा घसा खवखवणे, पोटात दुखणे अशी काही लक्षणे ब्लॅक फंगस आजाराची समोर आल्याचे सांगत रंगांपेक्षा लक्षणांवर भर देऊन शक्य तितक्या उपचार करण्यावर भर द्यावा, असेही डॉ. गुलेरिया यांनी सांगितले.

दरम्यान, या रुग्णांना एम्फोटेरीसीन-बी चे तब्बल चाळीस ते पन्नास इंजेक्शन द्यावे लागत आहेत. एम्फोटेरेसीन-बी इंजेक्शन हे प्रामुख्याने म्युकरमायकोसीसचा संसर्ग कमी करण्यासाठी वापरलं जातं, पण सध्या हे इंजेक्शन कुठेच मिळत नाही, अशी तक्रार केली जात आहे. याचाच अर्थ या इंजेक्शनचा कमतरता जाणवत आहे.

महत्त्वाच्या बातम्या

• बाप रे! ब्लॅक आणि व्हाइट फंगसनंतर आता उत्तरप्रदेशात आढळला यल्लो फंगसचा रुग्ण
• ‘दहा कोटी द्या, अन्यथा नांदेडचे कलेक्टर ऑफिस उडवून टाकेल!’
• ‘केंद्रावरील आरोपांबाबत कार्यकारी संचालकांचे वक्तव्य कंपनीचे नाही’, सीरम इन्स्टिट्यूटचा खुलासा
• नांदेडच्या महिलेला फेसबूकवरील मैत्री पडली महागात, अमेरिकेतील दोघांनी लाखोंना फसवले
• आरोग्यमंत्र्यांच्या आक्षेपानंतर रामदेव बाबा नरमले, ‘ते’ वक्तव्य घेतले मागे