मुंबई: श्रेयस अय्यरच्या नेतृत्वाखालील कोलकाता नाईट रायडर्सला (KKR vs SRH) आयपीएल २०२२ मध्ये २ सामन्यात पराभव पत्करावा लागला आहे. मुंबईच्या ब्रेबॉर्न स्टेडियमवर खेळल्या गेलेल्या मोसमातील हैदराबाद विरुद्ध सामन्यात कोलकात्याला पराभवाचा सामना करावा लागला आहे. केकेआरने सनरायझर्ससमोर १७६ धावांचे लक्ष्य ठेवले होते. जे हैदराबादने १७.५ षटकात अवघ्या ३ विकेट्स गमावत गाठले. या पराभवानंतर श्रेयस अय्यरने आपल्या संघाच्या कामगिरीवर प्रतिक्रिया दिली आहे.
पराभवानंतर श्रेयस अय्यर (shreyas iyer) म्हणाला, ” खूप थकल्यासारखे वाटत आहे, मला वाटले की आपण बोर्डवर चांगले स्कोर ठेवू. खरे सांगायचे तर, राहुल त्रिपाठी (rahul tripathi) आला आणि त्याने सामना पालटला आणि आम्हाला सेटल होऊ दिले नाही. चेंडू सीम होत असल्याने त्यांच्या गोलंदाजांनी त्याचा फायदा घेत चांगली गोलंदाजी केली. फलंदाज म्हणून आम्ही पॉवरप्लेच्या शेवटपर्यंत गेलो. फलंदाजी युनिट म्हणून चांगला प्रयत्न केला. बॉलिंग युनिट म्हणून आजचा दिवस अगदी साधारण होता.”
आयपीएल २०२२ मधील कोलकाता नाइट रायडर्सचा (KKR) हा तिसरा आणि सलग दुसरा पराभव आहे. त्यामुळे आतापर्यंत टॉप २ मध्ये राहिलेला कोलकाता चौथ्या स्थानावर घसरला आहे. तसेच संघाच्या डेथ बॉलिंगबाबत प्रश्नचिन्ह निर्माण झाले आहेत. केकेआरच्या फलंदाजांनी चांगली कामगिरी केली मात्र गोलंदाजीत त्यांना पराभवाचा सामना करावा लागला आहे.
IPL 2022चं कव्हरेज…थेट स्टेडियममधून…फक्त महाराष्ट्र देशावर! क्रीडा विश्वातील ताज्या बातम्या वाचण्यासाठी लॉग इन करा www.MaharashtraDesha.com
महत्वाच्या बातम्या
- IPL 2022: रसेलच्या चेंडूवर क्लीन बोल्ड झाल्यानंतर भडकला विल्यमसन; VIDEO होतोय व्हायरल!
- IPL 2022: विजयाची हॅट्रिक केल्यानंतर कॅप्टन केन खुश; म्हणाला “आम्ही इम्प्रुव्ह…”
- “…तर भाजपचा भस्मासुर झाल्याशिवाय राहणार नाही”, रुपाली ठोंबरेंचा इशारा
- “…तर स्वार्थासाठी धर्माचा वापर करणाऱ्यांसाठी त्यांनी गदा हातात घेतली असती”, रोहित पवारांचा विरोधकांवर निशाणा
- “राष्ट्रवादीच्या रिमोटवर काँग्रेसचा सेल टाकून शिवसेनेचा गेम सुरु”, केशव उपाध्येंचा खोचक टोला
