मुंबई : आयपीएल २०२२ मध्ये आज रॉयल चॅलेंजर्स बंगळुरू आणि कोलकाता नाइट रायडर्स यांच्यात सामना होणार आहे. हा सामना डॉ.डी.वाय.पाटील स्पोर्ट्स अकादमी, मुंबई येथे संध्याकाळी साडेसात पासून रंगणार आहे.
मोठी धावसंख्या असतानाही आरसीबीला शेवटच्या सामन्यात पराभवाला सामोरे जावे लागले होते. अशा स्थितीत त्यांना पहिल्या विजयाचे वेध लागले आहेत. दुसरीकडे, केकेआरच्या संघाने त्यांच्या पहिल्या सामन्यात चेन्नई सुपर किंग्जचा पराभव केला, त्यामुळे त्यांचा उत्साह नक्कीच उंचावला असेल. उमेश यादवने मागच्या सामन्यात नव्या चेंडूने आश्चर्यकारक कामगिरी केली होती. यावेळीही त्याच्याकडून चांगल्या कामगिरीची अपेक्षा असेल.
जर आपण हेड हू हेड आकडेवारीबद्दल बोललो, तर दोन संघांमधील आतापर्यंत झालेल्या सामन्यांमध्ये कोलकाताचा संघ पुढे आहे. केकेआरने १६ सामने जिंकले असून आरसीबीने १३ सामने जिंकले आहेत. रॉयल चॅलेंजर्स बंगळुरू गेल्या मोसमातील एलिमिनेटर सामन्यात केकेआरकडून पराभूत झाले होता.
सध्याच्या खेळाडूंमध्ये कर्णधार विराट कोहलीने आरसीबीकडून केकेआरविरुद्ध सर्वाधिक ७७४ धावा केल्या आहेत. आरसीबीविरुद्ध केकेआरसाठी आंद्रे रसेलने १२ डावात सर्वाधिक ३७० धावा केल्या आहेत.
महत्त्वाच्या बातम्या –
- घरकुल योजनेचा डीपीआर केंद्र सरकारने रोखला! हे आहे कारण…
- IPL 2022 : काय सांगता..! प्रेक्षकांच्या स्टेडियममधील प्रवेशाबाबत BCCI घेणार ‘असा’ निर्णय!
- IPL 2022 : हैदराबादची पराभवानंतरही होतेय चर्चा ; कारण ‘ती’ परतलीये !
- “खंडोबाच्या खंड्या जैशी ज्याची हाय तलवार…” शेर शिवराजचे पहिले गाणे पाहिलतं का?
- भाजप खासदाराचा नवीन लुक बघून उप राष्ट्रपतीही पडले गोंधळात; म्हणाले,”ही दाढी आहे की मास्क?”
