IPL 2022: ६५ धावा पूर्ण करताच धोनी रचणार इतिहास ; रोहित विराटच्या यादीत सामील होणार

मुंबई: आयपीएल भारतात सणासारखा साजरा केला जातो. अशा परिस्थितीत आता आजपासून या सणाची पुन्हा सुरुवात होणार आहे. ज्यामध्ये पहिला सामना गतवर्षीचा विजेता चेन्नई सुपर किंग्ज आणि अंतिम फेरीतील कोलकाता नाईट रायडर्स यांच्यात होणार आहे. त्याचबरोबर धोनीकडे या सामन्यात इतिहास रचण्याची मोठी संधी आहे. धोनीने आजच्या सामन्यात ६५ धावा केल्या तर त्याचे नाव विराट-रोहितच्या यादीत सामील होईल.

IPL 2022 चा पहिला सामना आज मुंबईतील वानखेडे स्टेडियमवर चेन्नई सुपर किंग्ज (CSK vs KKR) आणि कोलकाता नाईट रायडर्स यांच्यात होणार आहे. ज्यामध्ये चेन्नईचा माजी आणि सर्वात यशस्वी कर्णधार एमएस धोनीला (MS Dhoni) इतिहास रचण्याची संधी मिळणार आहे. होय, महेंद्रसिंग धोनीने आज कोलकाताविरुद्ध ६५ धावा केल्या तर तो T20 क्रिकेटमध्ये ७००० धावांचा टप्पा गाठेल आणि हा पराक्रम करणारा तो सहावा भारतीय खेळाडूही ठरेल.

माहीने आतापर्यंत ३४७ T20 सामने खेळले आहेत, ज्यामध्ये त्याने ३८.३१ च्या सरासरीने फलंदाजी करताना ६९३५ धावा केल्या आहेत. यासोबतच माहीच्या नावावर T20 क्रिकेटमध्ये २७ अर्धशतके आहेत. T20 क्रिकेटमध्ये आतापर्यंत ५ भारतीय खेळाडूंनी हा पराक्रम केला आहे. ज्यामध्ये विराट कोहली १०,२७३ , रोहित शर्मा ९८९५, शिखर धवन ८७७५, सुरेश रैना ८६५४ आणि रॉबिन उथप्पाच्या ७०४२ धावा आहेत.

महत्वाच्या बातम्या

• “…तर मला विजय चौकात फाशी द्या”, सुप्रिया सुळेंचे मोठे वक्तव्य
• IPL 2022: ‘एक चांगला खेळाडू चांगला कर्णधार असेलच असे नाही’; कोहलीच्या कोचने उठवला जडेजाच्या कर्णधारपदावर प्रश्न
• “मोफत रेशन योजना तीन महिन्यांसाठी वाढवली”, योगी सरकारच्या पहिल्याच मंत्रिमंडळ बैठकीत मोठा निर्णय
• IPL 2022: आयपीएल सुरु होण्याआधी धोनी कोहलीची भेट; दोघांना सोबत बघून चाहते भावुक!
• IPL 2022: ही दोस्ती तुटायची नाय ! फाफ धोनीच्या भेटीचे फोटो सोशल मीडियावर व्हायरल