मुंबई: आयपीएलच्या १५ व्या आवृत्तीला शनिवारी रवींद्र जडेजाच्या चेन्नई सुपर किंग्ज (CSK) ची मुंबईतील वानखेडे स्टेडियमवर श्रेयस अय्यरच्या नेतृत्वाखालील कोलकाता नाईट रायडर्स (KKR) सोबत भिडायचे आहे. स्पर्धेच्या दोन दिवसांआधीच धोनीने चेन्नईचे कर्णधारपद सोडत असल्याचे सांगितले. यानंतर त्याला सगळीकडून शुभेच्छा मिळत होत्या. मात्र यात एक विशेष शुभेच्छा विराट कोहली याची होती. त्याने भावनिक पोस्ट लिहत धोनीला शुभेच्छा दिल्या होत्या.
धोनीला सोशल मीडियावर शुभेच्छा दिल्यानंतर कोहलीची (virat kohli) शुक्रवारी संध्याकाळी प्रॅक्टिस करताना त्याच्या आवडत्या माही भाईची (MS Dhoni) भेट झाली. यावेळी विराटने धोनीला कडाडून मिठी मारली आणि काही मिनिटे तो त्याला सोडतही नव्हता. त्यांच्या या भेटीचे फोटो आणि व्हिडीओ सोशल मीडियावर व्हायरल होत आहे. तसेच या दोघांना बऱ्याच दिवसांनंतर सोबत पाहून चाहतेही भारावलेले दिसले. यावेळी धोनी आणि कोहली जे आता कर्णधार नाहीत ते आपल्या संघाकडे निरखून पाहतानाही दिसले.
https://twitter.com/CSKFansArmy/status/1507418596536098817?s=20&t=VTnxWkMsYq2V-2iQk30wCw
https://twitter.com/RCBTweets/status/1507376585686798337?s=20&t=tZEpkdnuLrh0-q_BTLi9Kw
चेन्नईचा जुना खेळाडू आणि सध्याचा आरसीबीचा कर्णधार फाफ डु प्लेसिस ही त्याच्या जुन्या सहकाऱ्यांना भेटला. CSK आणि KKR यांच्यातील सुरुवातीची लढत मागील वर्षीच्या फायनलची रीमॅच असेल, जिथे तत्कालीन कर्णधार धोनीने सुपर किंग्जचे नेतृत्व करून चौथ्या आयपीएल विजेतेपदावर नाव कोरले होते.
दरम्यान, आरसीबी २८ मार्च रोजी पंजाब किंग्ज विरुद्ध त्यांच्या मोहिमेची सुरुवात करेल.
महत्वाच्या बातम्या
- IPL 2022: ही दोस्ती तुटायची नाय ! फाफ धोनीच्या भेटीचे फोटो सोशल मीडियावर व्हायरल
- “भारताचा राष्ट्रवाद धर्मावर नव्हे तर…”, शशी थरूर यांचे मोठे वक्तव्य
- महिला क्रिकेटसाठी बीसीसीआयचा मोठा निर्णय; महिलांच्या आयपीएलचे नियोजन होणार!
- “आमदारांना मोफत घरं मिळणार…”, अजित पवारांचे मोठे वक्तव्य
- “…त्यामुळे पेट्रोल-डिझेलचे दर आणखी वाढणार”, अजित पवारांनी सांगितले कारण
