मुंबई : आयपीएलच्या या हंगमात पंजाब किंग्स पूर्णपणे नवीन अवतारात दिसणार आहे. यावेळी पंजाब किंग्समध्ये अनेक नवीन चेहऱ्यांचा प्रवेश झाला आहे. यासोबतच संघाची धुरा मयंक अग्रवालच्या हातात देण्यात आली असून तो पहिल्यांदाच आयपीएलमध्ये कर्णधारपद भूषवताना दिसणार आहे. पण आतापर्यंत या संघाचा माजी कर्णधार म्हणजेच के. एल राहुलची चर्चा संघात थांबलेली नाही. नुकत्याच झालेल्या एका मुलाखतीदरम्यान पंजाब किंग्जचे मुख्य प्रशिक्षक अनिल कुंबळे यांनी के. एल राहुलच्या स्ट्राइक रेटबाबत मोठे वक्तव्य केले आहे.
२०२१च्या आयपीएलमध्ये के. एल राहुलची (KL Rahul) खेळी चांगली होती. मात्र त्याचा स्ट्राईकरेट कमी होता. तो १२९.३४ आणि १३८.४० च्या स्ट्राइक रेटने फलंदाजी करताना दिसला, जे वाईट नाही परंतु राहुल अधिक स्फोटक फलंदाजीसाठी ओळखला जातो. आता स्पर्धा सुरू होण्यापूर्वी अनिल कुंबळे (anil kumble) म्हणाले की, राहुलच्या स्ट्राईक रेटमागे संघ व्यवस्थापनाचे कोणतेही नियोजन नव्हते.
कुंबळे म्हणाले ,“मला वाटत नाही की आम्हाला कोणत्याही खेळाडूने कमी स्ट्राइक रेटने खेळावे असे वाटते. आपण या स्वरूपात तो दृष्टिकोन स्वीकारू शकत नाही. मयंक अग्रवाल (mayank agarwal) किंवा शिखर धवनचा नैसर्गिक खेळ आक्रमणाचा आहे. इतर खेळाडूंनाही त्यांच्या नैसर्गिक खेळाशी छेडछाड न करण्याचा सल्ला दिला जातो. ज्यामुळे असे काहीच नव्हते.” के एलच्या नेतृत्वाखाली पंजाब किंग्जने २ वर्षे फारशी कामगिरी केली नाही. यानंतर, तो आयपीएल २०२२ पूर्वी पंजाब किंग्सपासून वेगळे झाला. आता तो नव्याने लखनऊ सुपरजायंट्सची धुरा सांभाळणार आहे.
महत्वाच्या बातम्या
- होळीचे औचित्य साधत राऊतांनी साधला भाजपवर निशाणा!
- IPL 2022:शार्दूल ठाकूरची स्पर्धेआधी मजेशीर पोस्ट; रितिका शर्माने केले ट्रोल
- ‘द कश्मीर फाइल्स’वरुन होणाऱ्या वादावर नागराज मंजुळे म्हणाले; चित्रपटगृहाबाहेर अशी हाणामारी…
- ‘गोवा काय आहे हे लवकरच फडणवीसांना कळेल’ – संजय राऊत
- “…आणि पुढील पाच वर्ष पुन्हा आम्हीच सत्तेत येणार”,संजय राऊतांचा दावा
बातम्यांसाठी YouTube चॅनेल Subscribe करा
Subscribe Now
