🕒 1 min read
मुंबई : आयपीएलच्या १५व्या हंगामातील सामने अटीतटीचे होत आहेत. यातील काही सामने तर चांगलेच संस्मरणीय ठरत आहेत. मात्र, कधी कधी सामन्याव्यतरिक्त इतर कारणांमुळेही खेळाडू चांगलेच चर्चेत येतात. असेच दिल्ली कॅपिटल्सचा फलंदाज पृथ्वी शॉ सोबत घडले आहे. सध्या पृथ्वीचा एक व्हिडिओ चांगलाच व्हायरल होत आहे. दिल्लीच्या ट्विटर अकांऊंटवरून हा व्हिडिओ शेअर करण्यात आला आहे.
सध्या आंब्याचा हंगाम सुरू आहे. लहानांपासून मोठ्यांपर्यंत सगळ्यांनाच आंब्याचा मोह आवरता येत नाही. खेळाडूंना आंब्याचा आस्वाद घेता यावा यासाठी दिल्ली कॅपिटलच्या सरावादरम्यान काही आंब्यांच्या पेट्या आणण्यात आल्या होत्या. मात्र, दिल्ली कॅपिटल्सचा फलंदाज पृथ्वी शॉ सरावानंतर चक्क आंबे चोरताना पकडला गेला. त्याने एक-दोन नाही तर चार- पाच आंबे पळवले. समोर बसलेला ललित यादवने त्याला ‘बास कर’ म्हणत टोकले. त्यावर ‘तेरे को क्या है’ असे म्हणत पृथ्वीने आंबे उचलले. दिल्ली कॅपिटलने आपल्या ट्विटरवर ‘भेटा आंबेचोर पृथ्वी शॉला’ म्हणत हा व्हिडिओ शेअर केला आहे. या व्हिडिओला मोठ्या प्रमाणात प्रतिसाद मिळत आहे.
गेल्या सामन्यात दिल्ली कॅपिटल्ससाठी पृथ्वी शॉने शानदार अर्धशतक झळकावले होते. कोलकाता नाइट रायडर्सविरुद्ध पृथ्वी शॉने ५१ धावा केल्या होत्या. ज्यात ७ चौकार आणि २ षटकार मारले होते. त्यानंतर टीमचे प्रशिक्षक रिकी पाँटिंगनेही पृथ्वीचे कौतुक केले होते. आयपीएल २०२२ मध्ये दिल्ली कॅपिटल्सने आतापर्यंत चार सामने खेळले आहेत, ज्यामध्ये संघाने दोन सामने जिंकले आहेत तर दोन गमावले आहेत.
महत्त्वाच्या बातम्या –
- “तुमचं तोंड कोंबडीच्या कुठल्या भागासारखं आहे”; आव्हाडांचे राज ठाकरेंना प्रत्युत्तर
- धनंजय मुंडेना हृदयविकाराचा धक्का आल्याचे वृत्त चुकीचे – अजित पवार
- IPL 2022 : हॅट्स ऑफ माही..! विराटला आऊट करण्यासाठी धोनीनं खेळली ‘सुंदर’ चाल; VIDEO व्हायरल!
- IPL 2022 MI vs PBKS : आज मुंबई मिळवणार का पहिला विजय? पंजाबविरुद्ध ‘असा’ आहे रोहितसेनेचा रेकॉर्ड!
- “माझ्या धर्माचं मी प्रदर्शन करत नाही”; शरद पवारांचं राज ठाकरेंना प्रत्युत्तर
IPL 2022चं कव्हरेज…थेट स्टेडियममधून…फक्त महाराष्ट्र देशावर! क्रीडा विश्वातील ताज्या बातम्या वाचण्यासाठी लॉग इन करा www.MaharashtraDesha.com
बातम्यांसाठी YouTube चॅनेल Subscribe करा
Subscribe Now
