🕒 1 min read
औरंगाबाद : चिकलठाणा पोलीस ठाण्याअंतर्गत ई-पेट्रोलिंग करत असताना, निपानी फाट्यावर दुचाकी चोरून पळ काढत असलेल्या, चोरट्याला पोलिसांनी सिनेस्टाईल पाठलाग करत शुक्रवारी पकडले. चौकशी दरम्यान त्याने विविध ठिकाणाहून १२ दुचाकी चोरल्याची कबुली दिली. यावरून पोलिसांनी त्याच्याकडून रविवारी १२ दुचाकी जप्त केल्या. तसेच त्याच्या दोन साथीदारांना देखील अटक करण्यात आल्याची माहिती देण्यात आली.
शहाजी सुधाकर कुरकुटे, तात्यासाहेब अशोक भालेकर, शाहरुख मुक्तार शेख सर्व रा. तीर्थपुरी ता. घनसावंगी, जि. जालना अशी आरोपींची नावे आहे. पोलिसांनी दिलेल्या माहिती नुसार, निपाणी फाट्याजवळ एक दुचाकी चोरीला गेल्याची माहिती ई-पेट्रोलिंग वर असलेल्या पथकाला मिळाली. त्यावरून त्यांनी घटनास्थळ गाठत माहितीच्या आधारे त्या दुचाकीचा पाठलाग करत, कुरकुटे याला ताब्यात घेतले. सुरुवातीला तो उडवा उडवीची उत्तरे देऊ लागला. त्यानंतर त्याला पोलिसी खाक्या दाखवताच दोन साथीदारांसोबत मिळून वाहनचोरी करत असल्याचे त्याने सांगितले.
दरम्यान, पोलिसांनी तीर्थपुरी येथे जावून त्याच्या दोन साथीदारांना ताब्यात घेत अटक केली. त्यांच्या कडून ४ लाख ८३ हजार रुपयांच्या १० दुचाकी पोलिसांनी जप्त केल्या. तसेच चिकलठाणा हद्दीतील ३, बिडकीन येथील १, अंबड येथील १, करमाड येथील १, असे सहा गुन्हे उघडकीस आणले. हि कामगिरी चिकलठाणा पोलीस ठाण्याचे सपोनि विश्वास पाटील यांच्या पथकाने केली.
महत्त्वाच्या बातम्या
- राहुलच्या शतकी खेळीने वाढल्या ‘या’ खेळाडूंच्या अडचणी, पुनरागमनाची वाट झाली खडतर
- ‘आजपासून २५ वर्षांनी जे कोणी पंतप्रधान असतील…’
- ‘मला अजितदादाही १२ आमदारांबद्दल बोलत नाहीत, तुम्ही कोण विचारणारे?’ राज्यपालांनी काँग्रेस नेत्याला सुनावले
- ‘जम्मू काश्मीरमध्ये लवकरच विधानसभा निवडणुका’, स्वातंत्र्यदिनी मोदींची मोठी घोषणा
- कोरोना संकटातील भारताची लढाई हा जगभरात चर्चेचा विषय-पंतप्रधान मोदी
