‘सचिन वाझे यांना तुरुंगात विवस्त्र करून…’; परमबीरसिंग यांचा गंभीर आरोप

🕒 1 min read

मुंबई: माजी गृहमंत्री अनिल देशमुख (former Home Minister Anil Deshmukh) यांच्यावर १०० कोटींच्या भ्रष्टाचाराचा आरोप करणारे मुंबईचे माजी पोलीस आयुक्त परमबीरसिंग यांनी मोठा खुलासा केला आहे. वाझेला खात्यात घेण्याबाबत मुख्यमंत्र्यांसह दोन मंत्र्यांचा दबाव असल्याचा आरोप त्यांनी ईडीच्या जबाबात केला आहे. तसेच आता आणखी काही खळबळजनक आरोप परमबीरसिंग यांनी केले आहेत.

परमबीरसिंग (Parambir Singh) यांनी ईडीला दिलेला जबाब आरोपपत्रात नमूद करण्यात आलाय. परमबीरसिंग म्हणाले, चांदीवाल आयोगाच्या कार्यालयात वाझे आणि अनिल देशमुख यांची भेट झाली होती. त्यावेळी वाझे यांनी ईडीला दिलेला जबाब परत घ्यावा म्हणून देशमुख यांनी त्यांच्यावर दबाव टाकला होता. शिवाय या भेटीदरम्यान दोघांमध्ये चर्चा झाली होती, असा आरोपही परमबीर सिंह यांनी केला आहे.

पुढे बोलताना परमबीरसिंग म्हणाले, सचिन वाझे (Sachin Waze) यांना तुरुंगात विवस्त्र करून त्यांना शिवीगाळ केली जाते आणि त्यांच्यावर दबाव टाकला जातोय, असा गंभीर आरोप परमबीरसिंग यांनी केला आहे. तसेच ठाणे गुन्हे शाखेचे पोलीस उपायुक्त लक्ष्मीकांत पाटील यांनी सचिन वाझे मुंबई गुन्हे शाखेच्या कोठडीत असताना त्यांच्यासोबत चर्चा केली होती. यावेळी पाटील यांनी सचिन वाझे यांच्यावर दबाव आणला होता, असंही परमबीरसिंग यांनी सांगितले आहे.

महत्वाच्या बातम्या:

• निकटवर्तीयांच्या ईडी चौकशीनंतर संजय राऊतांचे पुष्पा स्टाईल ट्वीट; म्हणाले, “२०२४ तक…पर हम झुकेंगे नहीं”

• मुंबई महानगरपालिकेचा या वर्षीचा शैक्षणिक अर्थसंकल्प जाहीर

• देशाला सर्वाधिक महसूल देणाऱ्या महाराष्ट्राच्या वाट्याला अर्थसंकल्पात काय ?

• “.. पण त्यांची उपस्थिती भीतीदायक” टीम सिलेक्शन मिटिंगसंबंधी गांगुलीबाबत पुन्हा खुलासा

• “तुमचे आशीर्वादरूपी शब्द नेहमीच..”; सिध्दार्थने देव यांच्या आठवणींना दिला उजाळा