पुण्यातील महाविद्यालयात लसीकरणाला सुरुवात

🕒 1 min read

पुणे : कोरोना महामारीमुळे गेली दीड वर्ष सर्व शाळा, महाविद्यालय बंद होती. परंतु गेल्या काही दिवसापूर्वी पुणे तसेच संपूर्ण राज्यातील शाळा, महाविद्यालय जोमाने सुरु करण्यात आली आहेत आणि त्याला विद्यार्थी तसेच पालकांचा चांगला प्रतिसाद मिळताना दिसतो आहे. यामुळे अनेक विद्यार्थी पुन्हा त्यांनी शिक्षणाची वाट धरतांना दिसत आहेत.

कोरोना लसीकरणाचे प्रमाण वाढवणे गरजेचे आहे असे पंतप्रधान नरेंद्र मोदी यांनी सांगितले होते. त्याचा विचार करून पुण्याचे महापौर मुरलीधर मोहोळ यांनी महाविद्यालयात लसीकरणाला सुरुवात करून मॉडर्न महाविद्यालयाच्या लसीकरण केंद्रात या मोहिमेचा प्रारंभ केला. त्यांनी त्या संदर्भात ट्वीट करून माहिती दिली आहे ‘महाविद्यालयात लसीकरणाला सुरुवात ! लसीकरण मोहिमेला आणखी व्यापक करण्याच्या दृष्टीने आणखी एक पाऊल म्हणून आपण थेट महाविद्यालयात लसीकरणाला सुरुवात केली आहे. आज पहिल्या दिवशी शहरातील ६ महाविद्यालयांत केंद्र सुरु केले आहेत’ तसेच लवकरच ही मोहीम सर्व महाविद्यालयात सुरु करण्यात येईल असे मोहोळ म्हणाले.

महाविद्यालयात लसीकरणाला सुरुवात !

लसीकरण मोहिमेला आणखी व्यापक करण्याच्या दृष्टीने आणखी एक पाऊल म्हणून आपण थेट महाविद्यालयात लसीकरणाला सुरुवात केली आहे. आज पहिल्या दिवशी शहरातील ६ महाविद्यालयांत केंद्र सुरु केले आहेत.#PuneVaccination #पुणेलसीकरण pic.twitter.com/NkWaMoFc5a

— Murlidhar Mohol (@mohol_murlidhar) October 25, 2021

दरम्यान ज्या कोणत्या विद्यार्थाचे लसीकरण अजून बाकी होते त्यांना या कार्यक्रमामुळे नक्कीच फायदा होईल. महाराष्ट्राचा विचार केला तर कोविड प्रतिबंधात्मक लसींच्या 9 कोटी 52 लाखांहून अधिक मात्रा देऊन झाल्या आहेत. यामध्ये 6 कोटी 55 लाखांहून अधिक लसींची पहिली मात्रा तर 2 कोटी 96 लाखांहून लसींची दुसरी मात्रा देण्यात आली आहे.

महत्वाच्या बातम्या

• पुण्यातील हत्या झालेल्या कबड्डीपटू मुलीच्या कुटुंबियांचे चंद्रकांत पाटलांकडून सांत्वन
• भारतात द्वेष पसरवणारी माहिती हाताळण्यात फेसबुक असमर्थ
• केंद्र सरकारच्या सुडबुद्धीला पुरून उरणार- दिलीप वळसे पाटील
• ‘मेहबूब शेख प्रकरणावर मी यापूर्वी बोलले आहे, पुन्हा बोलणार नाही’, शिवसेना नेत्या डॉ.नीलम गोऱ्हे यांचे स्पष्टीकरण
• नवाब मलिकांच्या ‘त्या’ आरोपांवर समीर वानखेडेंच्या वडिलांची प्रतिक्रिया; म्हणाले…