ऑलिम्पिकमध्ये टेबल टेनिस स्पर्धेत भारताच्या पदकाची आशा कायम

🕒 1 min read

मुंबई : रविवारचा दिवस भारतीय क्रिडा जगतासाठी खुपच आनंद देणारा ठरला. ऑलिम्पीक स्पर्धेत भारताने टेबल टेनीस, बॉक्सिंग आणि बॅडमिंटन मध्ये विजय मिळवला. तर जागतीक कुस्ती स्पर्धेत प्रिया मलिकने भारताकडून सुवर्णपदकाची कमाई केली. आणि क्रिकेटमध्ये भारताने श्रीलंकेचा पराभव केला.

रविवारचा दिवस टेबल टेनीसमध्ये मनिका बत्राने गाजवला. तर सोमवारी टेबल टेनीसमध्ये पुरुष संघातील अनुभवी खेळाडू शरथ कमलने दुसऱ्या फेरीत विजय मिळवला आहे. शरथने पोर्तुगालच्या टियागो पोलोनियोचा ४-२ असा पराभव केला आहे. ३९ वर्षीय शरथची ही चौथी ऑलिम्पिक वारी आहे. सात फेरीच्या या सामन्यात शरथने सहा सेटमध्ये २-११, ११-८, ११.५ ९-११, ११-६, ११-९ असा विजय मिळवला आहे.

पहिल्या सेटमध्ये पराभव स्विकारल्यानंतर शरथने दुसरा आणि तिसरा सलग दोन सेट जिंकत आघाडी मिळवली. मात्र तिसऱ्या सेटमध्ये पुन्हा पराभवाचे तोंड बघावे लागल्याने सामना बरोबरीत आला. यानंतर सलग दोन सेट जिंकत एक सेट बाकी असतानाच विजयावर शिक्काबोर्तब केले. पुढील फेरीत शरथचा सामना आता चिनच्या मा लॉंग विरुद्ध होणार आहे. शरथची ही अखेरची ऑलिम्पिक स्पर्धा असल्याने यंदा त्याच्याकडून पदकाची अपेक्षा आहे.

महत्त्वाच्या बातम्या

• ‘बावनकुळे मित्रा, बढाया नको मारूस; भाजपाने साधे तुला तिकिटही दिले नाही’
• ‘योद्धा जेव्हा शरण येत नाही…’, आ.धसांनी महिलेचे हॉटेल पाडल्यानंतर समर्थकांची पत्रकबाजी
• ‘राज ठाकरेंसोबत युतीची चर्चा झाली का?’, फडणवीस म्हणाले…
• झारखंडमध्ये आमदार खरेदी प्रकरण; प्रतिक्रियेसाठी फोन केल्यावर बावनकुळे म्हणाले, ‘ऐकू येत नाही..’
• ‘इंस्टॉलमेंट दौऱ्यापेक्षा एकाच दिवशी सर्व आटोपायचं, पैसे वाचले असते’, भाजपचा टोला