🕒 1 min read
मुंबई : चीन आणि भारतामध्ये झालेल्या २०२० च्या सीमा चकमकींमध्ये सामील असलेला कमांडर बीजिंग ऑलिम्पिक मशाल रिलेमध्ये दिसल्यानंतर भारताने बीजिंग हिवाळी ऑलिम्पिकवर राजनैतिक बहिष्कार टाकण्याची घोषणा केली आहे. परराष्ट्र व्यवहार मंत्रालयाच्या प्रवक्त्याने सांगितले की चीनने ऑलिंपिकचे राजकारण करणे निराशाजनक आहे आणि बीजिंगमधील हिवाळी ऑलिंपिकच्या उद्घाटन किंवा समारोप समारंभाला भारतीय दूत उपस्थित राहणार नाहीत.
बहिष्कार टाकण्याच्या निर्णयानंतर प्रसार भारतीचे सीईओ शशी शेखर वेमपती यांनी दूरदर्शन स्पोर्ट्स चॅनलवर बीजिंग ऑलिम्पिकच्या उद्घाटन आणि समारोप समारंभांचे थेट प्रक्षेपण होणार नसल्याची माहिती दिली आहे. क्यूई फाबाओ हे २०२० मध्ये गलवान व्हॅली येथे झालेल्या चकमकीत चीनचे कमांडर होते. पीपल्स लिबरेशन आर्मी कमांडर क्यूई फाबाओ यांनी ऑलिंपिक मशाल रिले मध्ये सहभाग घेतला होता. ज्यात १२०० लोकांमध्ये त्यांनाही सन्मानित केले गेले होते. त्यामुळे भारताने हा निर्णय घेतला आहे.
Consequent to the announcement by @meaindia, @ddsportschannel will not telecast live the Opening and Closing ceremonies of the Winter Olympics being held in Beijing. https://t.co/sSP1EX9pSQ
— Shashi Shekhar Vempati शशि शेखर (@shashidigital) February 3, 2022
ऑस्ट्रेलिया, ब्रिटन आणि कॅनडा ही राष्ट्रे अमेरिकेच्या नेतृत्वाखाली केल्या गेलेल्या राजनैतिक बहिष्कारात सामील झालेल्या राष्ट्रांपैकी आहेत. चीनने मानवाधिकाराचा उल्लंघन केल्याप्रकरणी या राष्ट्रांनी राजनैतिक बहिष्काराचा निर्णय घेतला होता. राजनैतिक बहिष्काराचा अर्थ असा आहे की सरकार स्पर्धेत शिष्टमंडळे पाठवणार नाहीत, परंतु खेळाडू क्रीडा स्पर्धेत भाग घेणार आहेत . कोविड-१९ मुळे आधीच इतर राष्ट्रांनी उद्घाटन कार्यक्रमांना येण्याचे आमंत्रण नाकारले आहे.
महत्वाच्या बातम्या
- गोत्यात आल्यावर फोडले पत्रकारांवर खापर! बंड्यातात्याची वादग्रस्त मालिका
- वादग्रस्त वक्तव्यानंतर किर्तनकार बंडातात्या कराडकर सातारा पोलिसांच्या ताब्यात
- ऋतुराज गायकवाड याला मिळणार महत्वाची जबाबदारी ??
- आदित्य ठाकरेंच्या वक्तव्यावर भातखळकरांचे टीकास्त्र; म्हणाले,‘मुख्यमंत्री मुंबईचे आहेत म्हणण्यापेक्षा…’
- अफेअरच्या चर्चांनंतर रिंकू राजगुरुचं ‘कजरा महोब्बतवाला … खास Reel झाले व्हायरल
बातम्यांसाठी YouTube चॅनेल Subscribe करा
Subscribe Now
