मुंबई : आठवड्यातील व्यवहाराच्या पहिल्याच दिवशी मुंबई शेअर बाजारात तेजी नोंदवण्यात आली आहे. जागतिक बाजारातून मिळालेले सकारात्मक संकेत आणि भारतीय बाजारातील घडामोडी यामुळे धातू, बँकिंग आणि आर्थिक क्षेत्राशी संबंधीत शेअरमध्ये तेजी दिसून आली. यात केवळ फार्मा क्षेत्राशी संबंधीत काही शेअरमध्ये थोडी घसरण दिसून आली आहे. मात्र, सेन्सेक्स आणि निफ्टी दोन्हीमध्ये चांगली वाढ नोंदवण्यात आली आहे.
मुंबई शेअर बाजारात झालेल्या व्यवहारात सेन्सेक्समध्ये १.०६ टक्क्यांची म्हणजेच ५०८.०६ अंकांची वाढ नोंदवण्यात आली आहे. या वाढीसह सेन्सेक्स ४८,३८६.५१ या पातळीवर बंद झाला. तर राष्ट्रीय शेअर बाजारातील प्रमुख निर्देशांक निफ्टी १४३.६५ अंकाच्या वाढीसह १४,४८५ या पातळीवर बंद झाला.
26.04.2021
Closing Sensex Update pic.twitter.com/1sAniJEMSX— BSE India (@BSEIndia) April 26, 2021
देशात कोरोना रुग्ण संख्येत झपाट्याने वाढ होत आहे. त्यामुळे शेअर बाजारावर त्याचा परिणाम दिसून येत होता. मात्र, आता काही प्रमाणात शेअर बाजार पुन्हा सावरतांना दिसतोय. जागतिक पातळीवरुन मिळणारे सकारात्मक संकेत याचाही परिणाम गुंतवणूकदारांवर होतोय.
महत्त्वाच्या बातम्या
- लातूर जिल्ह्यातील अपंगांसाठीचे अनुदान अजूनही प्रतीक्षेत
- ‘वसुलीखोर अनिल देशमुखांनंतर आता वसुलीकांडाचे सूत्रधार अनिल परब यांचेही कांड बाहेर येणार’
- भंडारा घटनेनंतरही झोपलेले मनपा प्रशासन अखेर विरार घटनेनंतर झाले जागे! तात्काळ फायर ऑडिटचे आदेश
- नितीश कुमारांच्या बिहारमध्ये गुंडाराज, 12 वर्षांच्या मुलीवर सामूहिक बलात्कार करून शेतात फेकले !
- ऑक्सिजनबाबत बुलडाणा प्रशासन गाफिल, आ.श्वेता महालेंची तक्रार
