पटना : बिहारमध्ये दररोज शेकडो हत्या, लूटमार, अपहरण आणि बलात्काराच्या घटना, हेच भाजपच्या नेतृत्वाताली नितीश कुमार सरकारच्या मुख्य उपलब्धी आहेत असं म्हंटल तर अतिशोक्ती ठरणार नाही. बिहारचे मुख्यमंत्री नितीशकुमार सुशासनाचे दावे करतात. नितीशकुमार गुन्हे आणि गुन्हेगारांवर वचक बसविण्याच्या बाता करतात, मात्र बिहारमध्ये गुंडगिरीने कळस गाठला आहे.
अशातच बिहारमध्ये एक धक्कादायक घटना समोर आली आहे. एका 12 वर्षांच्या मुलीवर सामूहिक बलात्कार करण्यात आला आहे. पीडित मुलीला शेतात बेशुद्धावस्थेत फेकून आरोपी फरार झाले आहेत. मिळालेल्या माहितीनुसार, बिहारच्या पूर्णिया जिल्ह्यातील मीरगंज पोलीस ठाण्याच्या हद्दीतील संझा घाट गावात गवत कापण्यासाठी गेलेल्या 12 वर्षीय मुलीवर दोघांनी बलात्कार केल्याचा भयंकर प्रकार समोर आला आहे. पीडितेच्या कुटुंबीयांनी मीरगंज पोलीस ठाण्यात लेखी तक्रार दाखल केली आहे.
रविवारी मुलगी गवत कापण्यासाठी मक्याच्या शेतात गेली होती. आरोपी नितीश कुमार आणि मनीष कुमार हे दोघेही गावातच राहतात. मुलीचे तोंड दाबून ते तिला मक्याच्या शेतात घेऊन गेले. तिथे तिचे हातपाय बांधून तिच्यावर बलात्कार केला. बराच वेळ झाला तरी, मुलगी घरी आली नाही. त्यामुळे चिंतेत असलेले कुटुंबीय तिला शोधण्यासाठी गेले. मुलगी मक्याच्या शेतात बेशुद्धावस्थेत आढळली. त्यानंतर कुटुंबीय मुलीला घेऊन मीरगंज पोलीस ठाण्यात गेले. अशी माहिती पीडितेच्या आईने आणि मामीने दिली आहे.
महत्वाच्या बातम्या
- योगींच्या उत्तर प्रदेशात मरणानंतरही हालच ; मृतदेह वेटिंग लिस्टवर, स्मशानभूमीत जागाच मिळेना !
- संतापजनक : नखांसाठी शिकाऱ्यांनी गरोदर वाघिणीला जाळलं
- ‘गांधी भवन’ लवकरच होणार कोविड सेंटर! शहर काँग्रेसचा ‘सकारात्मक’ पुढाकार
- होम आयसोलेशन बंद करून सक्तीचे विलगीकरण करा, मंत्री थोरात यांच्या सुचना
- ना ऑक्सिजन ना व्हेंटिलेटर.. लातूरची परिस्थिती चिंताजनक
बातम्यांसाठी YouTube चॅनेल Subscribe करा
Subscribe Now
