मुंबई : मुंबईचे माजी पोलीस आयुक्त परमबीर सिंह यांनी केलेल्या आरोपांमुळे गृहमंत्री पायउतार व्हाव्या लागलेल्या अनिल देशमुख यांच्याविरुद्ध सीबीआयने गुन्हा दाखल केला आहे. सिंह यांनी केलेल्या आरोपांप्रकरणी देशमुख यांच्यासह इतरांविरुद्ध गुन्हा दाखल करण्यात आला असून, विविध ठिकाणांची झाडाझडती घेण्यास सीबीआयने सुरुवात केली आहे. देशमुख यांच्या घरासह त्यांच्या १० मालमत्तांवर सीबीआयनं छापे टाकले आहेत.
दरम्यान, अंबानी स्फोटक प्रकरण व मनसुख हिरेन प्रकरणातील मुख्य आरोपी सचिन वाझे याने एका पत्रात मोठा गौप्यस्फोट केला आहे. त्याने अनिल देशमुखांसह शिवसेनेचे प्रमुख नेते व परिवहनमंत्री अनिल परब यांच्यावर देखील खंडणीच्या वसुलीचा गंभीर आरोप केला होता. यामुळे त्यांची देखील चौकशी करण्यात यावी अशी मागणी भाजपकडून करण्यात आली आहे.
कोरोनाच्या काळात एसटी कर्मचाऱ्यांची आर्थिक परिस्थिती बिकट असतानाही त्यांच्यासाठी कोणतीही उपाययोजना केली नाही. कर्मचाऱ्यांना आत्महत्येचा मार्ग निवडावा लागला. तुम्ही केलेल्या या पापाची शिक्षा तुम्हाला तुमच्याच वसली कांडमुळेच मिळणार @adv_anilparab ! pic.twitter.com/frKbeqMISd
— भाजपा महाराष्ट्र (@BJP4Maharashtra) April 26, 2021
कोरोना काळात एसटी कर्मचाऱ्यांचे वेतन थकल्यामुळे कुटुंबाच्या उदरनिर्वाहाचा मोठा प्रश्न निर्माण झाला होता. यामुळे काही कर्मचाऱ्यांनी टोकाचे पाऊल उचलून जीवन संपवले होते. याच मुद्द्यावरून भाजपने अनिल परब यांना लक्ष्य केलं आहे. ‘कोरोनाच्या काळात एसटी कर्मचाऱ्यांची आर्थिक परिस्थिती बिकट असतानाही त्यांच्यासाठी कोणतीही उपाययोजना केली नाही. कर्मचाऱ्यांना जीवन संपवण्याचा मार्ग निवडावा लागला. तुम्ही केलेल्या या पापाची शिक्षा तुम्हाला तुमच्याच वसुली कांडामुळेच मिळणार,’ असा घणाघात भाजपने केला आहे.
वसुलीखोर @AnilDeshmukhNCP यांच्यावर सीबीआयचा छापा पडल्यानंतर आता याच वसुलीकांडातील सूत्रधार @adv_anilparab यांचेही सगळे कर्मकांड बाहेर पडणार आहेत. याच कटात सामील असलेले काही भ्रष्टाचारी लोकं आता परबांना वाचवायला येऊ शकणार नाहीत. pic.twitter.com/HLMEi62wOu
— भाजपा महाराष्ट्र (@BJP4Maharashtra) April 26, 2021
यासोबतच, ‘वसुलीखोर अनिल देशमुख यांच्यावर सीबीआयचा छापा पडल्यानंतर आता याच वसुलीकांडातील सूत्रधार अनिल परब यांचेही सगळे कर्मकांड बाहेर पडणार आहेत. याच कटात सामील असलेले काही भ्रष्टाचारी लोकं आता परबांना वाचवायला येऊ शकणार नाहीत. भ्रष्ट देशमुख आणि वाझेंसोबत कोट्यावधींचा वसुलीकांड करून हिंदुहृदयसम्राट स्व. बाळासाहेबांची खोटी शपथ घेताना तुम्हाला लाज वाटली नाही का? दुर्दैव हेच की बाळासाहेबांचेच पुत्र या भ्रष्ट अनिल परबची पाठराखण करत आहेत.’ असा प्रहार अधिकृत भाजपच्या ट्विटर अकाऊंटवरून करण्यात आला आहे.
भ्रष्ट देशमुख आणि वाझेंसोबत कोट्यावधींचा वसुलीकांड करून हिंदुहृदयसम्राट स्व. बाळासाहेबांची खोटी शपथ घेताना तुम्हाला लाज वाटली नाही का? दुर्दैव हेच की बाळासाहेबांचेच पुत्र या भ्रष्ट @adv_anilparab ची पाठराखण करत आहेत. pic.twitter.com/u4pehSTiGc
— भाजपा महाराष्ट्र (@BJP4Maharashtra) April 26, 2021
महत्त्वाच्या बातम्या
- संतापजनक : नखांसाठी शिकाऱ्यांनी गरोदर वाघिणीला जाळलं
- पीएचडीच्या विद्यार्थ्यांना दोन वर्षांपासून फेलोशिप मिळेना, बार्टीने अर्ज मागवले नाही
- टक्केवारीसाठी मोफत लसीकरणाचा निर्णय मागे घेऊ नका; पडळकरांचा आदित्य ठाकरेंना टोला
- ‘पवारांचे बस्तान बसविण्यासाठी पालकमंत्र्यांच्या आडून सोलापूर जिल्ह्याचा दिला जातोय बळी’
- शाब्बास रे पठ्ठ्या ! ऑस्ट्रेलियन क्रिकेटपटू पॅट कमिन्सने भारताला केली तब्बल ५० हजार डॉलर्सची मदत !
बातम्यांसाठी YouTube चॅनेल Subscribe करा
Subscribe Now
