नवी दिल्ली : युरोप खंडात सध्या युक्रेन आणि रशिया या दोन देशांमध्ये युद्ध चालू आहे. युक्रेनने अमेरिका प्रणित NATO या लष्करी आघाडीमध्ये सहभागी होऊ नये म्हणून रशियाचे अध्यक्ष व्लादिमीर पुतीन यांनी आक्रमक पवित्रा अवलंबविला आहे. रशियाचे लष्कर हे युक्रेनच्या लष्करापेक्षा कित्येक पटीने ताकदवान आहे. रशियाच्या लष्करासमोर युक्रेनच्या लष्कराचा टिकाव लागणे अवघड आहे.
सध्याच्या अणूयूगात रशिया विरुद्ध थेट लष्करी कारवाई करायला कोणताही देश धजावत नाहीये. मात्र रशियाची आंतरराष्ट्रीय पातळीवर जमेल त्या प्रकारे कोंडी करायचा प्रयत्न जगातील बलाढ्य देश करत आहेत. संयुक्त राष्ट्र संघाच्या सुरक्षा परिषदेत, संयुक्त राष्ट्र संघाच्या आमसभेत तसेच संयुक्त राष्ट्र संघाच्या मानवाधिकार परिषदेत रशियाची कश्या प्रकारे कोंडी करता येईल याचा प्रयत्न पाश्चिमात्य देश करत आहेत. संयुक्त राष्ट्र संघाच्या आमसभेत, सुरक्षा परिषदेत आणि मानवाधिकार परिषदेत भारताने मात्र मतदानाच्या दिवशी गैरहजर राहण्यास पसंत केले. असाच काहीसा प्रकार आज संयुक्त राष्ट्र संघाच्या मानवाधिकार परिषदेत पुन्हा मतदान करायच्या वेळेज घडला.
रशियाने युक्रेनवर केलेल्या हल्ल्याची आंतरराष्ट्रीय समिती द्वारा चौकशी करण्यात यावी याकरता संयुक्त राष्ट्र संघाच्या मानवाधिकार परिषदेत मतदान घेण्यात आले. या मतदानाच्या वेळेज भारत आज पुन्हा गैरहजर राहिला. संयुक्त राष्ट्र संघाच्या मानवाधिकार परिषदेत रशिया विरुद्ध आंतरराष्ट्रीय स्तरावर चौकशी समिती स्थापन करण्यात यावी याकरता आज मतदान घेण्यात आले. या मतदानाच्या वेळेज आंतरराष्ट्रीय चौकशी समिती नेमायच्या बाजूने ३२ मत पडली. तर दोन देशांनी आपला नकाराधिकार वापरला. भारतासह १३ देश हे संयुक्त राष्ट्र संघाच्या मानवाधिकार सभेत मतदान करताना गैरहजर राहिले.
महत्वाच्या बातम्या :
- मराठी चित्रपटाच्या टीझरला राज ठाकरेंचा आवाज..
- हे भाजपचं ‘सिलेक्टिव्ह’ राजकारण; आरक्षणावरुन रोहित पवारांचा विरोधकांवर घणाघात
- ‘राज्य सरकारला शेतकरी पुत्रांच्या रक्ताचा नैवेद्य लागतो का?’ – रविकांत तुपकर
- सरकार तर्फे मातृवंदना योजनेत मोठा बदल! दुसरे अपत्य झाले तरी घेता येणार योजनेचा लाभ…
- कारचालकाने तरुणाला चक्क नेलं फरफटत; वाहतूक पोलिसांनी केली कारचालकावर कारवाई
बातम्यांसाठी YouTube चॅनेल Subscribe करा
Subscribe Now
