नवी दिल्ली : शेती संबंधीत कायदे तयार केल्यामुळे मोदी सरकारच्या विरोधात आधीच शेतकऱ्यांचे आंदोलन सुरू आहे. या आंदोलनात पंजाब आणि हरियाणा मधील शेतकऱ्यांचा जास्त समावेश असला तरी देशातील इतरही शेतकरी या प्रश्नाबाबत साशंक आहेत. त्यातच अचानक खत विक्रेत्या कंपन्यांनी खतांच्या किंमतीत भरघोस वाढ केली होती. त्यामुळे शेतकरी वर्गात सरकार विषयी नाराजी पसरली होती. यावर तत्काळ कार्यवाही करत सरकारने खतांच्या किंमती पुन्हा कमी केल्या आहेत. केंद्रीय राज्य मंत्री मनसुख मांडविया यांनी या संबंधीची माहिती दिली आहे.
यंदा राज्यात चांगल्या पावसामुळे शेतकरी सुखावला आहे. मात्र, काही ठिकाणी अवकाळी आणि गारपीटीचे संकट शेतकऱ्यांचे नुकसान करणारे ठरले. त्यात हंगाम तोंडावर असताना अचानक खतांच्या किंमतीत भरमसाठ वाढ करण्यात आली. खत विक्री करणाऱ्या कपंन्यांच्या या निर्णयामुळे शेतकऱ्यांमध्ये नाराजी पसरली होती. आधीच पेट्रोल, गॅसच्या किंमती वाढल्याने केंद्र सरकारवर टीका होत असतांना, शेतकऱ्यांच्या खताच्या किंमती वाढवण्यात आल्या होत्या.
खतांच्या वाढवण्यात आलेल्या किंमती संदर्भात केंद्र सरकार आणि खत विक्री करणाऱ्या कंपन्यांमध्ये बैठक झाली. या बैठकीत खतांच्या किंमती पुन्हा कमी करण्याचा निर्णय घेण्यात आला आहे. त्यामुळे शेतकऱ्यांना काही प्रमाणात का होईना, दिलासा मिळणार आहे. मात्र, कंपन्यांसोबत आधीच चर्चा केली असती तर, सरकारला या नाराजीचा सामना करावा लागला नसता.
महत्त्वाच्या बातम्या
- MPSC ची परीक्षा पुढे ढकलण्याच्या निर्णयाचं विनायक मेटे यांनी केले स्वागत
- परभणीत केंद्रीय पथकाने केलेल्या पाहणीचा रिपोर्ट केंद्र सरकारला पाठवणार
- एसटी कामगारांना आर्थिक भत्ता द्या, १० हजार कोटींचे पॅकेज जाहीर करा : मनसे
- मोठी बातमी : राज्यात पुन्हा कडक लॉकडाऊन ?, मुख्यमंत्र्यांनी बोलावली सर्वपक्षीय नेत्यांची बैठक
- देशातील ‘या’ मोठ्या बँकेने खात्यातून होणाऱ्या चोरीविषयी ग्राहकांना केले अलर्ट
