वकीलाची ७४ लाखांची फसवणूक करणाऱ्याच्या पोलिस कोठडीत वाढ

औरंंगाबाद : स्टेट बँक ऑफ इंडियामध्ये लोन अधिकारी असल्याचे भासवून बेरोजगार युवकांना नोकरी लावण्याचे तसेच कर्ज मंजूर करण्याचे आमिष दाखवून ७४ लाख ५० हजार रूपयांचा गंडा घातल्या प्रकरणातील आरोपी शैलेश कांबळे (वय ४८, रा.सिध्दीविनायक अपार्टमेंन्ट, गादिया विहार, गारखेडा) याला छावणी पोलिसांनी अटक केली आहे. अटकेत असलेल्या शैलेश कांबळे याच्या पोलिस कोठडीत शुक्रवारपर्यंत वाढ करण्याचे आदेश एस.यू. न्याहारकर यांनी बुधवारी (दि.२) दिले.

उस्मानपुरा परिसरातील पन्नालालनगर येथील रहिवासी अ;ॅड. देवकांत बलवंतराव मेश्राम (वय ४५) यांनी २०२० साली शैलेश कांबळे याच्यासोबत ओळख झाली होती. त्यावेळी शैलेश कांबळे याने मी अभिनय टॉकीज जवळील स्टेट बँक ऑफ इंडिया येथे लोन मॅनेजर म्हणून कार्यरत असल्याचे सांगितले. तसेच तुमच्या कोणत्या नातेवाईकाला कर्ज हवे असल्यास किंवा स्टेट बँक ऑफ इंडियामध्ये नोकरी लावायची असल्यास संपर्क करण्याचे सांगितले होते. अ;ॅड. देवकांत मेश्राम यांचा शैलेश कांबळे यांच्या बोलण्यावर विश्वास बसल्याने त्यांनी आपल्या काही मित्रांना आणि नातेवाईकांना एसबीआय बँकेत नोकरी लावून देण्यासाठी तसेच काहींना कर्ज मिळवून देण्यासाठी कांबळे यांच्यासोबत संपर्क साधला होता.

त्यानंतर कांबळे यांनी अ;ॅड. मेश्राम यांच्याकडून वेळावेळी करून ७४ लाख ५० हजार रूपये घेतले होते. दरम्यान, पैसे देवूनही नोकरी आणि कर्ज मिळत नसल्याने अ;ॅड. मेश्राम यांनी कांबळे यांच्याकडे तकादा लावला असता शैलेश कांबळे हे उडवा-उडवीची उत्तरे देत होते. आपली फसवणूक झाल्याचे लक्षात आल्यावर अ;ॅड. देवकांत मेश्राम यांनी दिलेल्या फिर्यादीवरून शैलेश कांबळे याच्याविरूध्द छावणी पोलिस ठाण्यात गुन्हा दाखल करण्यात आला होता.

महत्वाच्या बातम्या

• ‘सरकारने शरियत कायद्यामध्ये हस्तक्षेप केल्याने करोना आणि चक्रीवादळांसारख्या आपत्ती आल्या’
• राज्याच्या जीएसटी वसुलीत मोठी घट, लॉकडाऊनच्या निर्बंधांचा अर्थव्यवस्थेला फटका
• दीपिका सिंह नव्या डान्स व्हिडीओमुळे पुन्हा एकदा सोशल मीडियावर झाली ट्रोल…
• अंकिता लोखंडेचा चाहत्यांना ‘गुड बाय’ ; पोस्ट शेअर करत दिली माहिती
• ‘लसीकरणाबाबत केंद्राची पॉलिसी स्पष्ट नाही; रोज नवीन नियमांची होतेय घोषणा’