आरटीओ कार्यालयाची फसवणूक करणाऱ्या एजंटाच्या पोलिस कोठडीत वाढ

औरंंगाबाद : आरटीओ कार्यालयाने रिक्षा स्क्रॅप (भंगार) करण्याची परवानगी दिल्यावर बनावट कागदपत्राच्या सहाय्याने रिक्षा स्क्रॅप केल्याचा अहवाल सादर करून आरटीओ कार्यालयाची फसवणूक केल्याप्रकरणात एजंट मोहम्मद कलीमोद्दीन मोहम्मद युसूफोद्दीन (वय ४२, रा. गणेश कॉलनी) याच्या पोलीस कोठडीत मंगळवारपर्यंत वाढ करण्याचे आदेश प्रथम वर्ग न्यायदंडाधिकारी ए.जे.पाटील यांनी रविवारी (दि.२३) दिले.

प्रादेशिक परिवहन कार्यालयाचे मोटार वाहन निरीक्षक रविंद्र दत्तात्रय नारळे (वय ३६) यांनी दिलेल्या तक्रारीनुसार शेख कमरोद्दीन शेख ईस्माईल (रा.मकसुद कॉलनी, रोशनगेट) व त्याच्या साथीदारांविरोधात वेदांतनगर पोलीस ठाण्यात गुन्हा दाखल करण्यात आला. गुन्ह्याचा तपासा दरम्यान पोलिसांनी बनवाट अहवाल, स्वाक्षरी, शिक्का व रिक्षा स्क्रॅप केल्याचा एडीट केलेला फोटो बनवून देणारा तनवीर उर्फ मोहम्मद कलीमोद्दीन याला अटक केली.

तसेच त्याच्या रोशनगेट येथील तनवीर कलर प्रिंटर्स अ;ॅण्ड वर्कर नावाच्या दुाकनाची झडती देखील पोलिसांनी घेतली असून पोलिसांच्या हाती अनेक आक्षेपार्ह कागदपत्रे लागली आहेत. अटकेत असलेल्या मोहम्मद कलीमोद्दीन मोहम्मद युसूफोद्दीन याची पोलिस कोठडीची मुदत संपल्यावर रविवारी त्याला न्यायालयासमोर हजर केले असता प्रथम वर्ग न्यायदंडाधिकारी ए.जे.पाटील यांनी मंगळवारपर्यंत पोलिस कोठडीत वाढ करण्याचे आदेश दिले.

महत्त्वाच्या बातम्या

• बाप रे! ब्लॅक आणि व्हाइट फंगसनंतर आता उत्तरप्रदेशात आढळला यल्लो फंगसचा रुग्ण
• ‘दहा कोटी द्या, अन्यथा नांदेडचे कलेक्टर ऑफिस उडवून टाकेल!’
• ‘केंद्रावरील आरोपांबाबत कार्यकारी संचालकांचे वक्तव्य कंपनीचे नाही’, सीरम इन्स्टिट्यूटचा खुलासा
• नांदेडच्या महिलेला फेसबूकवरील मैत्री पडली महागात, अमेरिकेतील दोघांनी लाखोंना फसवले
• आरोग्यमंत्र्यांच्या आक्षेपानंतर रामदेव बाबा नरमले, ‘ते’ वक्तव्य घेतले मागे