भुसावळमध्ये पहिल्यांदाच तिहेरी तलाक प्रकरणी गुन्हा दाखल

🕒 1 min read

भुसावळ : मुल होत नाही म्हणून सासरच्या लोक सतत छळ करत होते. त्यातच एके दिवशी पतीने तीन वेळा तोंडी तलाक दिला. यामुळे विवाहितेने पोलीस ठाण्यात तक्रार दिल्याने पतीसह सासरकडील ७ जणांविरुद्ध विनयभंग, हुंडा प्रतिबंधक कलम आणि मुस्लीम महिला विवाहाच्या अधिकारचे संरक्षण कायदा २०१९ चे कलम ४ नुसार भुसावळ बाजारपेठ पोलीस ठाण्यात गुन्हा दाखल झाला. भुसावळ शहरात दाखल झालेला या प्रकारचा हा पहिलाच गुन्हा असल्याचे पोलिसांनी सांगितले.

विवाहितेने दिलेल्या फिर्यादीनूसार, आझाद नगर येथील विवाहितेचा सासरकडील मंडळींनी १० मार्च २०१९ ते १० एप्रिल २०२१ या काळात शारीरिक व मानसिक छळ केला. तुला येथे सुखाने नांदायचे असेल तर सर्व सहन करावे लागेल, असे घरातील ज्येष्ठांनी वारंवार सांगितले. फिर्यादी महिला व तिच्या पतीला वेगवेगळ्या खोलीत ठेवून आपसात बोलूही देत नव्हते.

१० एप्रिलला विवाहितेच्या नातेवाईकांना बोलावण्यात आले. यावेळी पतीने सासरच्या मंडळींच्या सांगण्यावरून सर्वांसमोर पत्नीला ‘अाम्ही तुला मुस्लीम धर्म रीतिरिवाजाप्रमाणे तलाक दिला आहे’ असे सांगितले. तसेच कोऱ्या स्टॅम्पवर विवाहितेच्या स्वाक्षऱ्या घेतल्या. महिलेच्या भाच्याने विवाहितेचे फोटो समाजात दाखवून बदनामी करेल. तुझ्या भावांना जिवंत सोडणार नाही, अशी धमकी दिली, असे फिर्यादीत म्हटले आहे. याप्रकरणी विवाहितेच्या फिर्यादीवरून पतीसह सासरच्या सात जणांविरुद्ध गुन्हा दाखल झाला.

महत्वाच्या बातम्या

• कोरोनाच्या लढ्यात भाजपकडून राजकारणाला महत्त्व-प्रकाश आंबेडकर
• ‘फडणवीस, चंद्रकांत पाटलांवर मनुष्यवधाचा गुन्हा दाखल करा’
• ‘विकास दर टिकवण्यासाठी उद्योग आणि सरकारमध्ये पूर्ण विश्वास हवा’
• घटना दुर्देवी! यापुढे असे घडणार नाही याची काळजी घ्यावी-रामदास आठवले
• ‘चीनला पूर्व लडाखमधून सैन्य मागे घ्यावेच लागेल’, भारताने सुनावले