मुंबई : महाराष्ट्राचे माजी मुख्यमंत्री आणि विद्यमान केंद्रीय मंत्री नारायण राणे यांनी मुख्यमंत्री उद्धव ठाकरेंबाबत केलेल्या आक्षेपार्ह वक्तव्याचे तीव्र पडसाद उमटत आहेत. राणेंच्या वक्तव्यानंतर शिवसेना-भाजप आमने-सामने आले आहेत. शिवसेनेचे नाशिकमधील शहाराध्यक्ष सुधाकर बडगुजर यांनी नारायण राणेंविरोधात तक्रार दिली आहे. त्यांच्या तक्रारीनंतर गुन्हा दाखल करण्यात आला आहे.
या पार्श्वभूमीवर विधानसभेचे विरोधी पक्षनेते देवेंद्र फडणवीस हे मुंबई येथे पत्रकार परिषद घेत आहेत. यावेळी बोलताना त्यांनी नारायण राणेंच्या पाठीमागे भारतीय जनता पार्टी खंबीरपणे उभे राहणार आहे असे सांगितले आहे. तसेच पोलीसांच्या भूमिकेवर देखील त्यांनी प्रश्नचिन्ह उभे केले आहे. ‘पोलीस राणेंना अटक करू शकत नाहीत. राणेंनी जे वक्तव्य केलं आहे. तो कायदेच्या भाषेत दखलपात्रं गुन्हा नाही. जे सेक्शन लावले त्याबाबत पहिली त्यांची जबानी घ्यावी लागेल. त्यांची बाजू ऐकावी लागेल नंतरच कारवाई करावी लागेल,’ असं फडणवीसांनी म्हटलं आहे.
‘मी पोलीस आयुक्तांचं पत्र वाचलं. ते काय स्वत:ला छत्रपती समजात का? जा त्यांच्या मुसक्या बांधा, त्यांना हजर करा, कोणत्या कायद्याने पोलीस आयुक्तांना अधिकार दिला आहे. पोलिसांचा गैरवापर सुरु आहे. मला महाराष्ट्राच्या पोलिसांबाबत नितांत आदर आहे. मी पाच वर्षे त्यांच्या सोबत काम केलंय. त्यांची क्षमता मला माहितीये. मात्र अशी कारवाई केल्यानंतर पोलिसांच्या प्रतिमेवर प्रश्न निर्माण होईल. आधीच या सरकारच्या काळात वसुली कांड झाली त्यामुळे राज्यातील प्रामाणिक पोलिसांबाबत देखील इतर लोकांची नजर बदलली आहे,’ असं देवेंद्र फडणवीस यांनी म्हटलंय.
‘ज्या प्रमाणे सरकार पोलिसांचा वापर करतंय त्यावरून समजतंय हे पोलिसजीवी सरकार झालंय. या सरकारमध्ये चाललंय ते योग्य नाहीये. मी काय धमकी वगैरे देत नाही सल्ला देतो. त्यामुळे पोलिसांना हा सल्ला देतो कि कायद्याने काम करा. बेकायदेशीर काम करणारे पोलीस आता कुठे आहेत हे मी सांगण्याची गरज नाही. त्यामुळे कायद्याने काम करा,’ असं देखील देवेंद्र फडणवीस यांनी म्हटलंय.
महत्त्वाच्या बातम्या
- आमच्या विरुद्ध, आमच्या पत्नीच्याविरुद्ध तुम्ही काय काय केलंत ? फडणविसांनी साधला सत्ताधाऱ्यांवर निशाणा
- नारायण राणेंच्या घराबाहेर शिवसेना-भाजप कार्यकर्त्यांचा तुफान राडा, पोलिसांचा लाठीचार्ज; पाहा हा व्हिडिओ
- ‘नारायण राणे छक्का है, नारायण राणे भडवा है!’, संतप्त शिवसैनिकांची घोषणाबाजी
- ‘माझी बदनामी केली तर तुमच्याविरोधात गुन्हा दाखल करेन’, नारायण राणेंची वृत्तवाहिन्यांना धमकी
- ‘…अन्यथा पोलीस आयुक्तालयाबाहेर आंदोलन करायला बसू’ ; फडणवीसांचा इशारा
