“…तर पुरावा द्या, चौकशी करून कारवाई करू”, अजित पवारांचे ‘त्या’ आरोपांवरून सोमय्यांना आव्हान

पुणे: भाजप नेते किरीट सोमय्या यांनी आज संजय राऊत यांचे पार्टनर सुजित पाटकरविरुद्ध(Sujit Patkar) पुण्यातील जंबो कोविड सेंटर घोटाळ्याप्रकरणी तक्रार दाखल करणार असल्याचे म्हटले आहे. पुण्यातील लाइफलाइन हॉस्पिटल मॅनेजमेंट सर्व्हिसेसमध्ये कोविड घोटाळा झाल्याचा आरोप किरीट सोमय्यांनी केला आहे. यावरच आता उपमुख्यमंत्री अजित पवार ( Deputy Chief Minister Ajit Pawar)यांनी प्रतिक्रिया दिली आहे.

“पुण्यात जर कोविड रुग्णात भ्रष्टाचार झाला असेल तर पुरावा द्या, चौकशी करून सिद्ध झाल्यास कारवाई करू”, असे आव्हान अजित पवारांनी किरीट सोमय्यांना दिले आहे. त्यांनी आज प्रसार माध्यमांशी संवाद साधताना ही प्रतिक्रिया दिली आहे.

दरम्यान आज दुपारी ४ वाजता मी शिवाजी नगर पुणे जंबो कोविड सेंटर घोटाळ्यासाठी संजय राऊत पार्टनर सुजित पाटकर लाइफलाइन हॉस्पिटल मॅनेजमेंट सर्व्हिसेस विरुद्ध शिवाजी नगर पुणे पोलिस स्टेशनमध्ये तक्रार दाखल करणार आहे. (Kirit Somaiya will file complaint against Jumbo Kovid Center scam in Pune)सुजित पाटकर यांनी
खोटे डॉक्युमेंट्स देऊन कॉन्ट्रॅक्ट मिळविला असून कोविड रुग्णांच्या मृत्यूप्रकरणी ही तक्रार मी दाखल करणार आहे. असे ट्वीट किरीट सोमय्या यांनी केले आहे. दरम्यान संजय राऊतांच्या मुलींच्या कंपनीत भागीदार असलेल्या सुजित पाटकर यांच्या घरावर ईडीने छापे टाकले आहेत. तर आज त्यांच्याविरोधात कोविड घोटाळाप्रकरणी तक्रार दाखल करणार असल्याचे किरीट सोमय्यांनी म्हटले आहे.

महत्वाच्या बातम्या:

• धक्कादायक! मंदिरात नारळ फोडल्याने लातुरात मागासवर्गीय कुटुंबावर गावाचा बहिष्कार
• “राहुल द्रविडने सौरव बद्दल…” ; माजी व्यवस्थापकाचा धक्कादायक खुलासा
• सत्तेचा गैरवापर करायचाच असता तर नितेश राणे यांना रुग्णालयात नव्हे तर तुरुंगातच ठेवले असते- दीपक केसरकर
• डिसले गुरुजी तीन वर्ष गैरहजर असताना त्यांना वेतन का? मुख्याध्यापकांना शिक्षण विभागाची नोटीस
• राजकीय द्वेषापोटी भकास आघाडी सरकारने शेतकऱ्यांना वेठिला धरू नये- अतुल भातखळकर