🕒 1 min read
वाशिम : बीड जिल्ह्यातील परळीतील पूजा चव्हाण या तरूणीने पुण्यात जीवन संपवल्याने राजकीय वर्तुळात खळबळ उडाली आहे. या प्रकरणाशी संबंधित काही कथित ऑडिओ क्लिपसुद्धा व्हायरल झाल्या आहेत. पूजा चव्हाण घटनेत समोर आलेले सगळे अपडेट्स पहाता याचा थेट शिवसेना मंत्री संजय राठोडांकडे जातो. त्यामुळे पोलिसांनी स्यु-मोटोतंर्गत तक्रार दाखल करत संजय राठोड यांच्यावर सदोष मनुष्यवधाचा गुन्हा दाखल करावा. अशी मागणी भाजपने केली आहे.तर दुसरीकडे संजय राठोड यांच्या समर्थनार्थ बंजारा समाज आक्रमक झालेला आहे.
बंजारा समाजाचे श्रद्धास्थान असणाऱ्या पोहरादेवी संस्थानच्या महंतांची आज बैठक पार पडली आहे. यावेळी पूजा चव्हाण संशयित मृत्यू प्रकरणात विरोधकांच्या निशाण्यावर आलेले संजय राठोड यांच्या पाठी खंबीरपणे उभे राहण्याचा निर्णय यावेळी घेण्यात आला आहे. विरोधकांनी समाजाची बदनामी केल्यास रस्त्यावर उतरुन आंदोलन करण्याचा इशाराही देण्यात आला. वाशिममधील पोहरादेवी संस्थान येथे आज दुपारी १२ वाजता महत्त्वाची बैठक पार पडली आहे. बंजारा समाजाचे धर्मगुरू स्वर्गीय रामराव महाराज यांचे धर्मपिठाधिश्वर बाबूसिंग महाराज यांच्या प्रमुख उपस्थितीत ही बैठक पार पडली.
एकीकडे पोहरादेवी संस्थानच्या महंतांची आज बैठक पार पडली तर दुसरीकडे यवतमाळ जिल्ह्याच्या पुसद येथे आज बंजारा समाजाच्या वतीने संजय राठोड यांच्या समर्थनार्थ मोर्चा काढण्यात आला होता. ‘संजय राठोड हे बंजारा समाजाचे नेते आहेत आणि त्यांना लक्ष्य केले जात आहे, कुठेतरी समाजाची बदनामी केली जात आहे. त्यामुळे बदनामी करण्याचा कट केला जात आहे’, असे मत बंजारा समनव्य समितीने व्यक्त केले होते.
महत्त्वाच्या बातम्या
- केंद्रातील सत्ता गेल्यानंतर भाजपला देखील आंदोलने करावी लागतील; संजय राऊतांचा मोदींवर निशाणा
- अंकिताने साजरा केला बॉयफ्रेंड विकी सोबत असा ‘व्हॅलेंटाईन डे’
- राज्यपालांसोबत शीतयुद्ध नाही, तर खुलं वॉर सुरु आहे – संजय राऊत
- IndvsEng : पराभवानंतर दुसऱ्या कसोटीत भारताची भक्कम स्थिती !
- ठाकरे सरकारच्या राज्यात महिला खरंच सुरक्षित आहेत का ?
बातम्यांसाठी YouTube चॅनेल Subscribe करा
Subscribe Now
