‘गिरीश महाजनांची अनेक गुपितं माझ्याजवळ, त्यामुळे मला जीवे मारण्याच्या धमक्या’

जळगाव : राष्ट्रवादीच्या एका कार्यकर्त्याने केलेल्या गौप्य स्फोटामुळे जळगावसह महाराष्ट्रातील राजकीय चर्चांना उधाण आलं आहे. राष्ट्रवादी काँग्रेसचे कार्यकर्ते प्रफुल्ल लोढा यांनी, ‘माजी मंत्री गिरीश महाजन आणि रामेश्वर नाईक यांच्यासोबत अनेक वर्षे असल्याने त्यांची अनेक गुपिते आपल्याजवळ आहेत. मात्र भाजप सोडून राष्ट्रवादीत गेल्याने दोघांकडून आपल्याला जीवे मारण्याच्या धमक्या येत आहेत,’ अशी तक्रार केली आहे.

प्रफुल्ल लोढा हे जामनेरचे आहेत. त्यांनी जीवे मारण्याची तक्रार करत माजी जलसंपदा मंत्री व जामनेरचे आमदार गिरीश महाजन यांच्यासह रामेश्वर नाईक यांच्यावर गंभीर आरोप केल्याने खळबळ माजली आहे. दरम्यान, लोढा यांनी केलेल्या या आरोपांवर रामेश्वर नाईक यांनी बोलण्यास नकार दिला.

तर, ‘लोढा हे दर महिन्याला तक्रारी करत असतात. खरंच त्यांच्याकडे काही पुरावे असतील तर त्यांनी ते पोलिसांकडे द्यावेत,’ असं आव्हान गिरीश महाजन यांनी दिलं आहे. प्रफुल्ल लोढा यांनी गिरीश महाजन आणि रामेश्वर नाईक यांची चौकशी करण्याची मागणी देखील केली आहे. दुसरीकडं प्रफुल्ल लोढा यांच्याकडे अशी काय गुपितं आहेत? असा सवाल निर्माण होत असून ते पोलिसांना याबाबत पूर्ण माहिती देणार का? हे महत्वाचं ठरेल.

महत्वाच्या बातम्या :-

• दिग्विजय सिंह यांची कन्या शूटर श्रेयसी सिंहचा भाजपमध्ये प्रवेश
• देशात घुमला पुणेकरांचा डंका; जेईई ऍडव्हान्समध्ये चिराग फलोर देशात पहिला
• कॉंग्रेसच्या ‘या’ दिग्गज नेत्याच्या १४ मालमत्तांवर सीबीआयची छापेमारी
• चिराग पासवान यांच्या खांद्यावर बंदूक ठेवून नितिशकुमार यांचा राजकीय गेम शहा करत आहेत – राष्ट्रवादी
• पंढरपूरजवळ साकार झाली आहे एक स्वप्ननगरी; ४२ एकर क्षेत्रात अतीशय सुंदर तयार केले ‘ड्रीम गार्डन’