मुंबई – चिराग पासवान यांच्या खांद्यावर बंदूक ठेवून नितिशकुमार यांचा राजकीय गेम अमित शहा करत आहेत अशी जोरदार टीका राष्ट्रवादी काँग्रेसचे प्रदेश प्रवक्ते महेश तपासे यांनी केली आहे.
बिहारच्या निवडणूकीत लोकजनशक्ती हा पक्ष जनता दल युनायटेड यांच्यापासून विभक्त होवून केंद्रातील आघाडी भाजपसोबत आहे असं त्यांनी जाहीर केले आहे. याचा अर्थ स्पष्ट आहे की, चिराग पासवान यांच्या खांद्यावर बंदूक ठेवून नितिशकुमार यांना अडचणीत आणून सत्तेतून बेदखल करण्याचे नियोजन भाजपने केलेले आहे असा आरोपही महेश तपासे यांनी केला आहे.
बिहारच्या निवडणूकीच्या समीकरणात नितीशकुमार हे कुठेच नसतील आणि त्यांचे खच्चीकरण करण्याची जबाबदारी बिहारचे प्रभारी देवेंद्र फडणवीस यांच्यावर असल्याचेही महेश तपासे यांनी सांगितले.
भाजप गुप्तपणे चिराग पासवान यांच्या उमेदवारांना मदत करेल आणि जनता दल युनायटेडचे उमेदवार पाडण्यासाठी छुप्या पद्धतीने काम करेल जेणेकरून बिहारचे समीकरण बदलेल अशा प्रकारची रणनीती भाजप आखण्याची शक्यता नाकारता येत नाही असेही महेश तपासे म्हणाले.
महत्वाच्या बातम्या :-
- राज्यात आजपासून हॉटेल, बार, रेस्टॉरंट होणार सुरु,जाणून घ्या काय आहे हॉटेलबाबत नियमावली?
- गुप्तेश्वरांना महाराष्ट्रद्वेषाचा गुप्तरोग झाला होता, पण…शंभर दिवस खाजवूनही शेवटी हाती काय लागले?
- कॉंग्रेसच्या ‘या’ दिग्गज नेत्याच्या १४ मालमत्तांवर सीबीआयची छापेमारी
- हाथरस प्रकरण : मायावतींनी योगी सरकारला दिला ‘हा’ मोलाचा सल्ला
- मुंबईचा उल्लेख पाकव्याप्त काश्मीर असा करणारी कंगणा राणावत हाथरसच्या प्रकरणावर म्हणाली…
