मुंबई : भारतीय संघाचा वेगवान गोलंदाज शार्दुल ठाकूर सध्या आपल्या फलंदाजीमुळे चर्चेत आला आहे. भारताच्या दक्षिण आफ्रिका दौऱ्यात शार्दुलने लोअर ऑर्डर मध्ये बॅटिंग करताना संघाला चांगल्या स्थितीत आणले होते. आता शार्दुल ठाकूरला संघातील अष्टपैलू खेळाडूच्या दृष्टीकोनातून पाहिले जात आहे. हार्दिक पंड्याच्या दुखापतीमुळे शार्दुलला सध्यातरी टीम इंडियाचा अष्टपैलू खेळाडू म्हणून खेळत आहे.
नुकत्याच दिलेल्या एका मुलाखतीत त्याने अष्टपैलू म्हणून या नवी भूमिकेबाबत सांगितले आहे. तो म्हणाला ” मी स्वत:ला अष्टपैलू मानतो. मला जेव्हा जेव्हा संधी मिळेल तेव्हा मी स्वतःला सिद्ध करेल. जेव्हा फलंदाज सातव्या क्रमांकावर धाव करतो तेव्हा संघाला चांगल्या धावसंख्येपर्यंत घेऊन जातो. त्यामुळे मोठा फरक पडतो. माझ्याकडे आधीपासूनच फलंदाजी करण्याची प्रतिभा होती. मात्र, मधल्या काळात फलंदाजी करण्याची फारशी संधी मिळाली नाही, विशेषत: रणजी ट्रॉफी स्पर्धेत. मला भारतीय संघात खेळण्याची संधी मिळाली तेव्हा मी संघातील इतर गोलंदाजांपेक्षा चांगली फलंदाजी करून दाखवली आहे. ”
हार्दिक पंड्यासोबत अष्टपैलू म्हणून होणाऱ्या तुलनेबाबतही त्याने यावेळी सांगितले आहे. ” हार्दिक लवकरच तंदुरुस्त होऊन संघात पुनरागमन करेल. आमच्या दोघांची फलंदाजीची पद्धत वेगळी आहे. हार्दिक पाच किंवा सहाव्या क्रमांकावर फलंदाजी करतो तर मी सात किंवा आठव्या क्रमांकावर फलंदाजी करतो, त्यामुळे आमच्यामध्ये कोणतीही स्पर्धा नाहीये. हार्दिकसोबत माझी तुलना होऊ शकत नाही. मी त्याची जागा घेण्याचा विचार करत नाही. मी त्याला जेवढे ओळखतो, त्याने मला नेहमीच पाठिंबा दिला आहे. तो त्याचे अनुभव माझ्यासोबत शेअर करतो. मी पण तेच केले आहे. शार्दुल ठाकूर वेस्ट इंडिजच्या भारत दौऱ्यात खेळताना दिसणार आहे.
महत्वाच्या बातम्या
- खिशात देशी दारु आणि दारूच्या नशेत धूत… गोपीचंद पडळकर
- कोव्हिशिल्ड लसीमुळे माझ्या मुलीचा मृत्यू; औरंगाबादच्या वडिलांची १ हजार कोटींची भरपाईची मागणी!
- इंग्लंडच्या अॅशेस मालिकेतील खराब कामगिरीमुळे पदाधिकाऱ्याला द्यावा लागला राजीनामा
- “बचावासाठी आरोपी इतरांची नावं घेत असतो..”; परमवीर सिंहाच्या खुलाशाला राऊतांचे प्रतिउत्तर
- “मच्छीमार, रिक्षावाले, बलुतेदारांचा विचार नाही… टेंडर आणि बिल्डर मात्र जोरात”, मुंबई अर्थसंकल्पावरून आशिष शेलारांची टीका
बातम्यांसाठी YouTube चॅनेल Subscribe करा
Subscribe Now
