‘पैसे देण्याचीही दानत असावी लागते हे ‘त्याने’ दाखवून दिले’, आव्हाडांचा निशाणा कोणावर?

मुंबई : देशात कोरोनाचा उद्रेक होतोय. रुग्णसंख्या वाढत असल्याने भारतात ऑक्सिजनची कमतरता भासत आहे. यावर कोणत्याही भारताच्या क्रिकेटपटूला जे जमले नाही ते आता या परदेशी क्रिकेटपटूने करून दाखवले आहे. कोरोनाच्या या लढ्यात आता ऑस्ट्रेलियाचा एक क्रिकेटपटू भारताची मदत करण्यासाठी उतरला आहे.

ऑस्ट्रेलियाचा वेगवान गोलंदाज पॅट कमिन्सने सोशल मीडियावर एक पत्र जाहीर केले आहे. यामध्ये कमिन्सने सांगितले आहे की, ‘सध्याच्या घडीला भारतामध्ये फार कठिण काळ सुरु आहे. भारतामध्ये सध्याच्या घडीला ऑक्सिजनच्या कमतरतेमुळे लोकांना आपले जीव गमवावे लागत आहेत. त्यामुळे ऑक्सिजन टँक विकत घेण्यासाठी मी ५० हजार डॉलरएवढी रक्कम देत आहे.

यावर राज्याचे गृहनिर्माण मंत्री जितेंद्र आव्हाड यांनी पॅट कमिन्सचे आभार मानलेत. एक ट्विट पोस्ट करत आव्हाड म्हणाले की, ‘ऑस्ट्रेलियाचा खेळाडू पैट कमिंसनं भारताला ॲाक्सिजनसाठी ५० हजार डॅार्लसची मदत केली, त्याबद्दल त्याचे मनापासून आभार. पण पैसे देण्याचीही दानत असावी लागते हे त्यानं दाखवून दिलं …thanx’ असे ट्विट त्यांनी केलेय. दरम्यान, पैसे देण्याची दानत असावी लागते हे वाक्य त्यांनी नेमके कोणासाठी वापरले यावरून विविध तर्कवितर्क लावले जात आहेत.

ॲास्ट्रेलियाचा खेळाडू पैट कमिंसनं भारताला
ॲाक्सिजनसाठी ५० हजार डॅार्लसची मदत केली, त्याबद्दल त्याचे मनापासून आभार
पण पैसे देण्याचीही दानत असावी लागते हे त्यानं दाखवून दिलं …thanx @patcummins30 pic.twitter.com/ZQLhd6jRmP

— Dr.Jitendra Awhad (@Awhadspeaks) April 27, 2021

सध्या आयपीएलच्या स्पर्धा सुरुयेत. देश-विदेशातील अनेक खेळाडू क्रिकटमध्ये व्यस्त आहेत. परंतू भारताची परिस्थिती पाहून परदेशातील खेळाडूला मदत करण्याची सुद्बुद्धी सुचली. पण भारतीय क्रिकेटपटुंनी मात्र कोरोना सारख्या गंभीर संकटाकडे डोळेझाक केल्याची टीका सोशल मीडियातून होत आहे.

महत्त्वाच्या बातम्या

• ‘कितीही संकटं आली तरी हा सह्याद्री झुकणार नाही’, मंत्री जयंत पाटील यांचा निर्धार
• राजकीय सुडबुद्धिने अनिल देशमुखांच्या घरावर धाड, मंत्री विश्वजीत कदमांचा आरोप
• हॉटेलच्या किचनमध्ये लपवलेला रेमडेसिविर इंजेक्शनचा साठा पोलिसांनी केला हस्तगत
• भाजपाच्या पुढाकारातून अंधेरी, कांदिवलीत दोन नव्या कोविड सेंटर्सचा प्रारंभ
• कोरोनाच्या पार्श्वभूमीवर श्रीतुळजाभवानीचा चैञी पोर्णिमा उत्सव भाविकांविना साजरा