🕒 1 min read
मुंबई: पुण्याच्या हर्षदा गरुड (Harshada Garud) हिने जागतिक ज्युनियर वेटलिफ्टिंग स्पर्धेत (World Junior Weightlifting Championship) ऐतिहासिक कामगिरी केली आहे. या स्पर्धेत भारताला पहिले सुवर्णपदक हर्षदाने जिंकून दिले. आज अक्षय्यतृतीयेच्या मुहुर्तावरच तिनं सुवर्णपदक जिंकल्याने सर्वांच्याच माना उंचावल्या आहेत.
साधारण दोन महिन्यांपूर्वी अन्नातून विषबाधा झाल्यामुळे आजारी असलेल्या हर्षदाने या स्पर्धेत अव्वल येऊन आपली जिद्द दाखवली आहे. ग्रीसमधील हेराकिलॉन येथील स्पर्धेत हर्षदाने १५३ किलो वजन उचलून ४५ किलो गटात सुवर्णपदक जिंकले आहे. या स्पर्धेतील पहिल्याच प्रकारात तिने पदक जिंकून दिले. यापूर्वी भारताने कधीही जागतिक ज्युनियर स्पर्धेत सुवर्णपदक जिंकले नव्हते.
दोन वर्षांपूर्वी अचंता शेऊलीने ७३ किलो गटात भारतासाठी रौप्यपदक जिंकले होते. आज अठरा वर्षीय हर्षदाने अन्य स्पर्धकांना किमान पाच किलोच्या फरकाने मागे टाकत ‘क्लीन अँड जर्क’मध्ये ८३ किलो वजन उचलले. दरम्यान याच स्पर्धेतील भारताच्या अंजली पटेलचे ब्राँझ थोडक्यात हुकले. तिने एकूण १४८ किलो (६७ आणि ८१ किलो) वजन उचलले. हर्षदाने केलेल्या या कामगिरीचे सर्वच स्तरातून कौतुक केले जात आहे.
महत्वाच्या बातम्या:
- मोठी बातमी! राज ठाकरेंविरोधात अटकेचे आदेश, अजामीनपात्र वॉरंट जारी!
- “इशारे दिल्यानंतर त्याचे पडसाद उमटतील या भ्रमात…”, संजय राऊतांचा टोला
- “…याकडे ढुंकून बघण्याची गरज नाही”, अमृता फडणवीस यांच्या टीकेवर दिपाली सय्यद यांचे प्रत्युत्तर!
- “…तेव्हा फडणवीस तर पळतांना दिसले”, बाबरी वादावरून दिपाली सय्यद यांची टीका
- “राष्ट्रपती राजवट लागावी यासाठी..”, भोंगा आणि हनुमान चालीसा प्रकरणावर दिपाली सय्यद यांची प्रतिक्रिया!
