मुंबई : इंडियन प्रीमियर लीग (IPL) स्पर्धेच्या प्रत्येक हंगामात काही ना काही वाद होतात, पण लीगच्या पहिल्याच हंगामात एवढा मोठा वाद निर्माण झाला होता, ज्याची आजही चर्चा आहे. मुंबई इंडियन्सकडून खेळत असलेल्या हरभजन सिंग (Harbhajan Singh) याने किंग्ज इलेव्हन पंजाबचा वेगवान गोलंदाज शांताकुमारन श्रीशांत (Sreesanth) याला मैदानावर कानशिलात (slapping incident) लगावली. यानंतर श्रीशांत मैदानात रडताना दिसला आणि या प्रकरणाने बरेच लक्ष वेधले होते.
या घटनेची आठवण करून देत हरभजनने आता आपण जे केले ते पूर्णपणे चुकीचे होते आणि त्याची गरज नसल्याचे म्हटले आहे. हरभजन म्हणाला, ”जे झालं ते चुकीचं होतं. माझ्याकडून चूक झाली होती. माझ्यामुळे माझ्या सहकारी खेळाडूंना अपमान सहन करावा लागला. चूक सुधारण्याची संधी मिळाल्यास श्रीसंतला मैदानावर वागवण्याचा मार्ग असेल. ते व्हायला नको होते. जेव्हा मी याबद्दल विचार करतो तेव्हा मला वाटते की त्याची गरज नव्हती.”
If I have to correct one mistake, it was how I treated Sree on the field after that IPL match – Bhajji on slapping Sree in 2008 after the Mumbai vs Punjab match at Mohali. #BhajjiBoleSorrySree at @glance Live Fest pic.twitter.com/VMz8Y20ZmV
— Nikhil ???? (@CricCrazyNIKS) June 4, 2022
श्रीशांतला कानाखाली मारल्याबद्दल हरभजनवर ११ सामन्यांची बंदी घालण्यात आली. लीगच्या इतिहासातील कोणत्याही खेळाडूवर लावलेली ही सर्वात मोठी बंदी आहे. मात्र, त्यानंतर हरभजन आणि श्रीशांतमध्ये करार झाला होता. या दोन्ही खेळाडूंमध्ये बोलणी करण्याचे काम सचिन तेंडुलकरने केल्याचा खुलासा श्रीशांतने केला.
श्रीशांत म्हणाला, ”हे प्रकरण शांत केल्याबद्दल सचिन पाजी यांचे आभार. त्यांनी आमची भेट घेण्याची व्यवस्था केली होती आणि रात्री जेवण झाल्यावर आम्ही प्रकरण संपवले पण मीडियाने ते खूप उधळले. भज्जी पासोबत मी पूर्णपणे ठीक आहे. तो नेहमीच माझा मोठा भाऊ होता. त्यावेळच्या गोष्टी वेगळ्या असल्या तरी तो नेहमीच एक महान क्रिकेटर आहे.”
महत्त्वाच्या बातम्या –
