महिला अधिकाऱ्यांनी पकडला दीड लाखांचा गुटखा

औरंगाबाद : सिल्लोड शहरातील एका दुकानावर छापा मारत अन्न व औषध प्रशासनाच्या महिला अधिकाऱ्यांनी १ लाख २९ हजार रुपये किंमतीचा गुटखा पकडला. ही कारवाई गुरुवारी नगरपालिकेच्या कॉम्प्लेक्स मधील राज ट्रेडर्समध्ये करण्यात आली. या प्रकरणी शहर पोलिस ठाण्यात गुन्हा दाखल करण्यात आला असून छापा मारताच आरोपी पळून गेला.

आमेर शेख सलीम (२५, रा. भारतनगर, सिल्लोड) असे गुन्हा दाखल करण्यात आलेल्या आरोपीचे नाव आहे. गोपनिय शाखेच्या मिळालेल्या माहितीनुसार अन्न व औषध प्रशासनाच्या दोन महिला अधिकाऱ्यांनी राज ट्रेडर्सवर छापा मारला. यात गोवा, हिरा, राजनिवास, विमल आदी गुटखा, पानमसाला, सुगंधीत तंबाखुचा साठा मिळून आला. महिला अधिकाऱ्यांनी शहर पोलिसांच्या मदतीने सर्व गुटखा जप्त करुन ठाण्यात आणला व दुकान सील केले.

ही कारवाई औरंगाबाद अन्न व औषध प्रशासनाच्या अन्न सुरक्षा अधिकारी वर्षा रोडे, सुलक्षणा जाधवर यांनी केली. दरम्यान शहरात अन्न व औषध प्रशासनाच्या दोन महिला अधिकाऱ्यांनी अचानक गुटखा विक्रेत्यावर छापा मारून लाखोचा माल जप्त केला. ही बातमी वाऱ्यासारखी पसरली आणि शहरात एकच खळबळ उडाली. सिल्लोड शहरात व तालुक्यात याहीपेक्षा मोठ्या प्रमाणात गुटख्याचा काळाबाजार सुरू असून सदरील कारवाई अधिक तीव्र स्वरूपात केल्यास मोठ्या प्रमाणात गुटखा मिळेल असा अंदाज व्यक्त करण्यात येत आहे.

महत्त्वाच्या बातम्या

• जायकवाडी ते नक्षत्रवाडी दरम्यान २३ ठिकाणी टाकणार जलवाहिनी
• मोबाईल टॉवर्सकडे कोट्यवधी थकित, पालिका नेमणार खासगी एजन्सी
• …म्हणून मराठवाड्यात सर्वच कोविड सेंटरवर महिला सुरक्षा रक्षकांच्या नेमणूकीचा निर्णय
• आरक्षण मिळत नाही तोपर्यंत ठिय्या आंदोलन सुरूच राहणार; आंदोलकांचा पवित्रा
• धनंजय मुंडेंना धक्का, ‘या’ ठिकाणी नमिता मुंदडा यांचे पुन्हा एकदा वर्चस्व