मुंबई: गोवा विधानसभा (Goa Assembly elections) निवडणुकींसाठी भाजपने ३४ उमेदवारांची पहिली यादी जाहीर केली आहे. त्यात पणजीमधून उत्पल पर्रिकरांना उमेदवारी नाकारण्यात आली आहे. मात्र उत्पल पर्रिकरांना ( Utpal Parrikar ) भाजपने अन्य दोन जागांचा पर्याय दिला आहे. त्यामुळे ते काय भूमिका घेतात याकडे आता सर्वांचे लक्ष लागले आहे.
उत्पल पर्रिकर यांनी पणजीतून उमेदवारी मागितली होती. पण ही उमेदवारी विद्यमान आमदार बाबुश मोन्सेरात यांना जाहीर करण्यात आली आहे. त्यामुळे पणजी ऐवजी अन्य दोन जागांपैकी एका जागेचा पर्याय उत्पल पर्रिकर स्वीकारणार का? याकडे आता सर्वांचं लक्ष लागले आहे. “गेल्या १० वर्षांमध्ये गोव्यात भाजपनं स्थिर सरकार आणि विकासाचा मुलमंत्र प्रत्यक्षात उतरवला आहे. गोव्याच्या राजकारणात जी अस्थिरता होती, ती भाजपनं संपवली होती. तसेच, भाजपनं गोव्याला विकासाच्या नव्या मार्गावर आणलं.पुन्हा एकदा लूट करण्यासाठीच काँग्रेसला गोव्यात पुन्हा सत्ता प्रस्तापित करायची आहे. काँग्रेसमधून अनेक मोठ्या नेत्यांनी अलविदा केलं आहे. आता तिथे टीएमसीही आली आहे. मनोहर पर्रीकर यांच्यापासून ते विद्यमान मुख्यमंत्री प्रमोद सावंत यांच्यापर्यंत भाजपनं गोव्यात आतापर्यंत जनतेमध्ये चांगली प्रतिमा निर्माण केली आहे.” असे देवेंद्र फडणवीस यांनी म्हटले आहे.
तर दुसरीकडे “माझी भूमिका ठाम आहे. मी पणजीतूनच लढणार. दुसऱ्या जागेवरुन लढण्याचा कुठलाही विचार नाही. यापुढे माझी भूमिका काय असेल ते मी लवकरच जाहीर करेन. पण पणजी हाच माझा एकमेव पर्याय आहे हे नक्की.” अशी भूमिका आता उत्पल पर्रीकर यांनी घेतली आहे.
महत्वाच्या बातम्या:
- लस न घेतलेल्यांना धोक्याची घंटा; महानगरपालिकेचा दणका, महिनाभरात ६ लाखांचा दंड!
- राज्यातील महाविद्यालये सुरु होणार? उदय सामंत मुख्यमंत्र्यांशी करणार चर्चा
- प्रसिध्द कन्नड चित्रपट निर्माते प्रदीप राज यांचे कोरोनामुळे निधन
- “चंद्रकांत पाटील म्हणजे ‘टॉलस्टॉय’ नाही की, विद्यापीठातून त्यावर चर्चा व्हावी”, संजय राऊतांचे टीकास्त्र
- “नगरपंचायत निवडणुकीत शिवसेनेचा पराभव राऊतांच्या जिव्हारी, म्हणूनच निरर्थक बडबड करून ते नटसम्राटची उपमा सार्थ ठरवताहेत”
बातम्यांसाठी YouTube चॅनेल Subscribe करा
Subscribe Now
