🕒 1 min read
नांदेड : जिल्ह्यात वाढत असलेल्या कोरोना पादुर्भावामुळे संपूर्ण जिल्ह्यात लॉकडाऊन लावण्यात आला आहे. त्यामुळे संपूर्ण जिल्ह्याभरात एसटी बंद राहणार असून इतर जिल्हे व राज्यात प्रवासी वाहतूक सुरु राहणार आहे. कोरोनाच्या दुसऱ्या टप्प्यात जिल्हाधिकारी यांनी बुधवारी मध्यरात्रीपासून अकरा दिवसीय संचारबंदी लागू केल्यामुळे जिल्ह्यात कुठेही बाहेरुन येणाऱ्या प्रवाशांना उतरता येणार नाही.
त्यामुळे जिल्ह्यातील नांदेड, भोकर, किनवट, मुखेड, देगलूर, कंधार, हदगाव, बिलोली व माहूर या एसटी आगारातून वाहतूक करताना फक्त इतर विभागातील, इतर जिल्ह्यातील व इतर राज्यातील प्रवाशांचीच वाहतूक करावी. जिल्ह्यांतर्गत प्रवाशांची चढ उतार करता कामा नये. एसटी चालक व वाहकांनीही याबाबत सतर्कतेने काम करावे.
विभागीय कार्यालयाच्या सूचनेशिवाय नवीन फेऱ्या सुरु करु नयेत. आपल्या आगारात चालविण्यात येणाऱ्या वाहतुकीच्या नियोजनानुसारच चालक व वाहकाचे काम देण्यात यावे. दररोज रोटेशन पध्दतीने कामगिरी लावण्यात यावी जेणे करुन चालक/वाहकांची तक्रार होणार नाही, संचारबंदी कालावधीत चालविण्यात येणाऱ्या फेऱ्या प्रवासी प्रतिसाद पाहूनच चालविण्यात याव्यात, असे आदेश देण्यात आले आहेत.
महत्त्वाच्या बातम्या
- रणबीर-आलियाच्या संगीतमध्ये ‘या’ गाण्यावर डान्स करणार आई नीतू कपूर ; व्हिडिओ व्हायरल
- …आणि ‘या’ माकडांना वाटतं की, ते बंगालमध्ये जिंकतील ?
- अष्टपैलू खेळाडू किरॉन पोलार्डच्या वडिलांचे निधन
- महाराष्ट्रातील घडामोडींवर कॉंग्रेस हायकमांड नाराज ? सुप्रिया सुळेंची सोनिया गांधींशी फोनवरुन चर्चा
- ‘त्यांनी साडी नेसण्याऐवजी बर्मुडा घालावा’,भाजपा नेत्याची ममतांवर वादग्रस्त टीका
