किरकोळ कारणावरून भंगारविक्रेत्यासह चौघांना बेदम मारहाण

औरंंगाबाद : वाळूज परिसरातील पंढरपूर येथील भंगारविक्रेते सय्यद जब्बार व नातेवाइकांना किरकोळ कारणावरून मारहाण करणाऱ्या शेख मुसा शेख गुड्डू, शेख नदीम, शेख ताहेर, शेख राजू, सलाउद्दीन व शेख जुबेर (सर्व रा. पंढरपूर) यांच्याविरोधात वाळूज एमआयडीसी पोलिसांत गुन्हा दाखल करण्यात आला आहे.

१३ मे रोजी सय्यद जब्बार यांचे ड्रायव्हर अलीम शेखने भंगारच्या दुकानासमोर वाहन उभे केले होते. या वेळी शेख मुसाने येथे गाडी का लावली, याचा जाब विचारत वाद घालण्यास सुरुवात केली होती. हा वाद सुरू असताना जब्बार तेथे आले. त्यांनी समजावून सांगण्याचा प्रयत्न केला. मात्र, संतप्त झालेल्या चौघा आरोपींनी घरातून कमरेचा पट्टा, लोखंडी रॉड व काठी घेऊन जब्बार यांच्यावर हल्ला केला.

शेख मुसा याने दगड, तर शेख राजू याने लोखंडी रॉडने जब्बार यांच्या डोक्यावर वार करून गंभीर जखमी केले. भांडणाचा आवाज ऐकून जब्बार यांचा मोठा भाऊ पप्पू, आई नसिमाबी, वडील सय्यद गफ्फार मदतीसाठी आले असता शेख मुसा व त्यांच्या कुटुंबातील शेख जब्बो, शेख शाहिन यांनी जब्बार यांच्या आई-वडील व भावास बेदम मारहाण केली.

महत्वाच्या बातम्या

• ‘फोटोसेशन नव्हे तर मदतीसाठी आलोय’, रत्नागिरी दौऱ्यात मुख्यमंत्र्यांचा विरोधकांना टोला
• ‘..म्हणून झक मारत मुख्यमंत्री ठाकरेंना कोकणात यावे लागले’, निलेश राणेंची जहरी टीका
• ‘भारत जागतिक अर्थव्यवस्थेला बळकटी देऊ शकतो’, परराष्ट्रमंत्री एस.जयशंकर यांचे मत
• कोरोना आटोक्यात कसा येणार? देशातील निम्मे लोक मास्कच वापरत नाहीत
• पंतप्रधान मोदींकडून हिवरेबाजारच्या कोरोना प्रतिबंधक कामांची दखल