‘या प्रकरणातील सत्य शोधून काढा आणि…’ ; झोमॅटो मारहाण प्रकरणात परिणीती चोप्राची उडी

🕒 1 min read

मुंबई : झोमॅटोवरुन जेवण ऑर्डर करुन ते कॅन्सल केल्यामुळे डिलीव्हरी बॉयने चक्क महिलेला मारहाण केल्याचा दावा करणारा व्हिडीओ एका महिलने शेअर केला होता.या व्हिडीओमुळे काही क्षणातच सोशल मिडीयावर एकच खळबळ उडाली.

या व्हिडीओ मधील महिलेने सांगितले की, झोमॅटोवरून जेवण मागवले होते. ऑर्डरला उशीर होत असल्यानं महिलेनं कंपनीच्या कस्टमर केअरवर फोन केला आणि डिलिवरी वेळेवर न मिळाल्यानं ऑर्डर रद्द केली. कस्टमर केअर बोलत असतानाच डिलिवरी बॉय घरी जेवण घेऊन आला. त्यांतर मात्र या महिलेने जेवण घेण्यास नकार दिला. याच गोष्टीवरून त्यांच्यात वाद सुरु झाला.

नकार दिल्यानंतर देखील डिलिवरी बॉय जेवणाचा बॉक्स ठेवण्याचा प्रयत्न करत होता. यावेळी पीडीत महिलेने घरात शिरण्यास नकार केला. यातच डिलिवरी बॉय चिडून तुझा नोकर आहे का असे म्हणत तिच्या नाकावर एक पंच मारला आणि तेथून फरार झाला असा दावा या महिलेने केला.

दरम्यान, आता त्या डिलिवरी बॉयची देखील बाजू समोर आली असून ऑर्डर पोहोचवण्यास उशीर झाल्यानं सबंधित महिलेने शिवीगाळ करत चप्पलनं मारहाण केल्याचा दावा डिलीव्हरी बॉयनं केला आहे.संबंधित महिलेने कॅश ऑन डिलीव्हरी हा पर्याय स्वीकारला होता.ऑर्डर पोहोचवण्यासाठी उशीर झाल्यानं त्याने त्या महिलेची माफी मागितली होती.ट्रॅफिक जास्त असल्यानं आणि रस्ता खराब असल्यानं पोहोचण्यास उशीर झाल्याचं त्याने सांगितलं.

दरम्यान या डिलिव्हरी करणाऱ्या व्यक्तीला मदत करण्यासाठी बॉलिवूड अभिनेत्री परिणिती चोप्रा पुढे सरसावली आहे. या व्यक्तीला मी कशी मदत करु? असा सवाल तिनं झोमॅटोला केला आहे.

Zomato India – PLEASE find and publicly report the truth.. If the gentleman is innocent (and I believe he is), PLEASE help us penalise the woman in question. This is inhuman, shameful and heartbreaking .. Please let me know how I can help.. #ZomatoDeliveryGuy @zomato @zomatoin

— Parineeti Chopra (@ParineetiChopra) March 14, 2021

“झोमॅटो इंडिया कृपया या प्रकरणातील सत्य शोधून काढा. आणि आलेला रिपोर्ट सार्वजनिक करा. जर तो व्यक्ती निर्दोष असेल तर त्या महिलेविरोधात कारवाई करण्यासाठी मदत करा. हा प्रकार अमानविय आहे. तो व्यक्ती निर्दोष असल्याची मला पुर्ण खात्री आहे. कृपया मी त्या व्यक्तीला कशी मदत करु शकते याबाबत मला मार्गदर्शन करा.” अशा आशयाचं ट्विट परिणीतीनं केलं आहे.

महत्त्वाच्या बातम्या

• आलिया भट्टची रणबीर कपुरच्या आठवणीत भावनिक पोस्ट
• ‘एमपीएससी परिक्षा २१ मार्च रोजी, सर्वांना माझ्याकडून शुभेच्छा’
• नागरी घनकचरा प्रक्रिया प्रकल्पाची जिल्हाधिकारी सुनिल चव्हाण यांच्याकडून पाहणी
• शाळेच्या अनुदानासाठी १४० कोटीच्या निधीस मंजुरी : वर्षा गायकवाड
• महिलांचा आर्थिकस्तर उंचाविण्याचा जीवनज्योती अभियानातून प्रयत्न-मंगेश गोंदावले