आर्थिक संकटास कंटाळून शेतमजुराची आत्महत्या!

उस्मानाबाद: कोरोना संकट व लॉकडाऊनमुळे निर्माण झालेल्या आर्थिक संकटास वैतागून शेतमजुराने गळफास घेवून आत्महत्या केली. उस्मानाबाद तालुक्यातील ढोकी येथे सोमवारी सकाळी ही घटना निदर्शनास आली. याप्रकरणी ढोकी पोलीस ठाण्यात अकस्मात मृत्यूची नोंद करण्यात आली आहे. या घटनेमुळे मयताच्या कुटुंबावर दु:खाचा डोंगर कोसळला असून परिसरात हळहळ व्यक्त होत आहे.

ढोकी येथील परमेश्वर साहेबराव ससाणे हे गावातील जयभवानीनगर मध्ये किरायाच्या खोलीत राहत होते. परमेश्वर यांनी घरासमोरील पेरूच्या झाडाला दोरीने गळफास घेऊन आत्महत्या केली. ही घटना सोमवारी सकाळी निदर्शनास आली. लॉकडाऊनमुळे काम मिळणे मुश्किल झाले होते. त्यातूनच आर्थिक अडचणीमुळे कुटुंबाचा उदरनिर्वाह भागविणे मुश्किल झाले होते.या निराशेतूनच त्यांनी हे टोकाचे पाऊल उचलले. त्यांच्या पश्चात पत्नी, एक मुलगा व एक मुलगी असा परिवार आहे.

दरम्यान, आधी दुष्काळमुळे संकटात सापडलेला शेतकरी आता वर्षभरापासून सुरु असलेल्या कोरोना महामारीमुळे त्रस्त झाला आहे. त्यामुळे येणाऱ्या काळात शेतकऱ्यांच्या मागण्या मान्य करत सरकारने शेतकऱ्यांसाठी आर्थिक पॅकेजची घोषणा करावी, अन्यथा येणाऱ्या काळात आणखीन शेतकरी आत्महत्येसारखे टोकाचे पाऊल उचलण्याची शक्यता आहे.

महत्वाच्या बातम्या 

• अपूर्ण तयारीमुळे जिल्हाधिकाऱ्यांवर भाजप खासदार, आमदार संतापले
• कोरोनाच्या साथीतही मिळतिये गावकऱ्यांची साथ! कुसळंब येथे उभारले ५१ खाटांचे कोविड केअर सेंटर
• ऑनलाईन‘ परीक्षेपुर्वी ‘मॉकटेस्ट‘ द्यावी लागणार, बुधवारपासून चार दिवस मॉक टेस्ट
• Breaking : सोनिया गांधींचा थोरातांना फोन; महाराष्ट्रातील स्थितीबाबत केली महत्वाची चर्चा
• बीड येथील धक्कादायक प्रकार; रेमेडेसिवीरच्या गैरव्यवहाराबाबत चौकशी का केली नाही म्हणत थेट आत्महत्येचा प्रयत्न