औरंगाबाद : डॉ. बाबासाहेब आंबेडकर मराठवाडा विद्यापीठातील पदवी व पदव्यूत्तर अभ्यासक्रमाचे सर्वच पेपर आता ऑनलाईन होणार आहेत. या पार्श्वभुमीवर २८ एप्रिल ते २ मे दरम्यान विद्यार्थ्यांसाठी ‘मॉक टेस्ट‘चे आयोजन करण्यात आले असल्याचे परिक्षा विभागाकडून सांगण्यात आले आहे.
पदवी अभ्यासक्रमाच्या परीक्षा १६ मार्च व ६ एप्रिल पासून सुरु करण्यात आल्या आहेत. दरम्यान १५ एप्रिल ते २ मे या दरम्यान शासनाने निर्बंध घातल्याने सर्व पेपर स्थगित करण्यात आले आहेत. यानंतर गेल्या आठवडयात उच्च व तंत्रशिक्षण मंत्री उदय सामंत यांच्या अध्यक्षतेखाली महाराष्ट्रातील सर्व विद्यापीठांच्या कुलगुरुंची बैठक घेतली. आता येथून पुढील सर्व पेपर हे ऑनलाईन पद्धतीने घेण्याचा निर्णय घेण्यात आला आहे. या संदर्भात कुलगुरु डॉ. प्रमोद येवले यांनी कोरोना ची सर्व नियमावली पाळून परीक्षा घेण्याचे आदेश दिले आहेत.
तसेच सर्वच विद्यापीठातील संलग्न महाविद्यालयात ‘आयटी‘ कॉऑर्डिनेटर्मची संख्या दुप्पटीने वाढवली आहे. पदवीचे उर्वरित पेपर ३ मेपासून तर पदव्यूत्तर अभ्यासक्रमाची परीक्षा ५ मे पासून ऑनलाईन पद्धतीने होणार आहे. संबंधित विद्यार्थ्यांनी २८ एप्रिल ते २ मे दरम्यान ‘ऑनलाईन मॉक टेस्ट‘ द्यावी लागणार आहे. या मॉक टेस्ट बाबत काही अडचण आल्यास आपल्या महाविद्यालयाच्या ‘आयटीच्या समन्वयकांशी संपर्क साधावा, असे आवाहन या विद्यापीठाच्या परिक्षा तसेच मुल्यमापन मंडळाचे संचालक डॉ. योगेश पाटील यांनी केले आहे.
महत्त्वाच्या बातम्या
- पुण्यात बसून नगरची मापं काढणं बंद करा; जयंत पाटलांच चंद्रकांतदादांना प्रत्युत्तर
- ‘कितीही संकटं आली तरी हा सह्याद्री झुकणार नाही’, मंत्री जयंत पाटील यांचा निर्धार
- ‘पैसे देण्याचीही दानत असावी लागते हे ‘त्याने’ दाखवून दिले’, आव्हाडांचा निशाणा कोणावर?
- राज्यात १ मे पासून १८ वर्षांपुढील व्यक्तींच्या लसीकरणात अडथळा ? राजेश टोपेंच महत्वाचं भाष्य
- दुसऱ्या लाटेने मोठा धडा शिकवलाय, आता तिसऱ्या लाटेआधी…; राजेश टोपेंच सूचक विधान
