माचीसची काडी महागली! दिवाळी आली, महागाईचे काय करणार?; राऊतांचा ‘रोखठोक’ सवाल

मुंबई : देशात दिवसेंदिवस महागाई वाढत आहे. सर्वसामान्य जनतेच्या खिशाला कात्री लागत आहे. अशातच कोरोना काळामुळे अनेकांना चांगलाच फटका बसला आहे. अनेकांचे संसार उध्वस्त झालेत. अनेकांना आपल्या नोकऱ्या गमवाव्या लागल्यात. अनेकांची उपजिवीका भागवण्याचं साधन संपलं तर कोणाच्या कुटुंबातील कर्ताधर्ता व्यक्तीच कोरोनामुळे गेला. या सगळ्यातून सर्वसामान्य सावरतो तोच महागाईचा भडका उडाला. पेट्रोल-डिझेल, गॅस दरवाढ झाली. आता ऐन दिवाळीच्या तोंडावर मगाईचा भडका उडाल्याने सर्वसामान्य नागरिकांची दिवाळी गोड होणार नाही. या पार्श्वभूमीवर शिवसेनेचे खासदार संजय राऊतांनी रोखठोकमधून केंद्रावर निशाणा साधला आहे.

महागाई का वाढली यावर मोदी सरकारचे मंत्री विनोदाच्या फुलबाजा पेटवीत आहेत. कोरोनाची लस मोफत दिली म्हणून पेट्रोल, डिझेल महागले, असे केंद्रीय मंत्री रामचंद्र तेली सांगतात. पेट्रोलने शंभरी पार केली त्यावर सगळेच गप्प. क्रुझवरील ड्रग्ज पार्टीत सगळेच अडकले आहेत! दिवाळी येत आहे. दिवाळी असली काय नसली काय, आतषबाजी कमी आणि फटाकेच जास्त फुटत असतात. राजकीय आरोप-प्रत्यारोपांचे फटाके तर 365 दिवस फुटत असतात. कोरोनाचे निर्बंध कमी झाल्यामुळे या वेळची दिवाळी मोकळय़ा वातावरणात साजरी होईल, पण सण साजरे करावे असे वातावरण आज खरेच आहे काय? महागाईचा भडका उत्सवांचा उत्साह जाळून टाकीत आहे. त्या आगीत सत्ताधाऱ्यांच्या जळजळीत वक्तव्यांची भर पडत आहे. महागाई टोकाची आहे. ती कमी करता येत नसेल तर होरपळणाऱया जनतेच्या जखमांवर मीठ तरी चोळू नका, असं संजय राऊत म्हणाले आहेत.

सत्ताधारी भाजपची यावर मखलाशी कशी ती पहा. त्यांचा युक्तिवाद असा की, ‘‘महाराष्ट्रात किंवा देशात पेट्रोलने शंभरी पार केली म्हणून का रडता? पाकिस्तानातही पेट्रोल 137 रुपयांवर पोहोचलेय!’’ पण ही वकिली करणाऱ्यांनी एक लक्षात घेतले पाहिजे की, हे ‘137’ पाकिस्तानी रुपयांत आहेत. जे हिंदुस्थानी रुपयांत 59 रुपये होतात. हिंदुस्थानात पेट्रोलचे भाव दिल्लीत 106 रुपये आणि मुंबईत 115 रुपयांपर्यंत पोहोचले. यावर कुणी बोलत नाही व सगळेच राजकीय पक्ष मुंबईच्या समुद्रातील क्रुझ पार्टीत अडकून पडले!, असं संजय राऊत रोखठोकमध्ये म्हणाले आहेत.

महत्त्वाच्या बातम्या

• ‘प्रकाश आंबेडकरांची कोणीतरी दिशाभूल केल्याने त्यांनीच युती तोडली’, असदुद्दीन ओवेसींचे स्पष्टीकरण
• ‘एमआयएम महाराष्ट्रातील सर्व निवडणुका लढणार’, असदुद्दीन ओवेसींची घोषणा
• पंतप्रधान मोदी आणि पोप फ्रान्सिस भेटीवर राष्ट्रीय स्वयंसेवक संघाची पहिली प्रतिक्रिया; म्हणाले…
• शरद पवारांबद्दल अपशब्द वापरल्याने तुषार भोसलेंविरोधात सहा तक्रारी दाखल
• ‘परमबीर सिंह बेल्जियममध्ये कसे गेले?’ संजय निरुपमांचा सवाल