निवडणूकीच्या वर्षभरानंतरही खर्चाचा तपशील गायब; सदस्यांवर अपात्रतेची टांगती तलवार!

🕒 1 min read

औरंगाबाद : गतवर्षी जानेवारी महिन्यात निवडणुका लागल्या होत्या. ग्रामपंचायतीच्या या निवडणुकांमध्ये खर्चाचा तपशील सादर करण्याचे आदेश सदस्यांना देण्यात आले होते. मात्र हा तपशील सादर न करणाऱ्या ८६ सदस्यांवर जिल्हाधिकार्‍यांनी अपात्र का करू नये अशी विचारणा करणारी नोटीस बजावली आहे. खर्चाचा तपशील सादर न करणाऱ्या ग्रामपंचायत सदस्यांवर अपात्रतेची टांगती तलवार कायम आहे.

कनकशिळ, इंदापूर ग्रामपंचायतीचे सदस्य संदीप कामठे, अनिल वाघ, शोभा बोडके, काशीबाई निकम, राम पोपळे, काशीबाई म्हस्के सविता राणे, विमल कामठे, सोमीनाथ भालेराव, कांचन निकम, प्रदीप निकम बिनविरोध निवडून आले होते. संदीप निकम निवडणुकीत विजयी झाले होते. ग्रामपंचायत सदस्य निवडणूक अधिकार्‍यांकडे निवडणूक खर्चाचा तपशील सादर केल्याचा दावा केला आहे. ग्रामपंचायत सदस्यांनी तीस दिवसात निवडणूक खर्चाचा तपशील माझ्या कडे सादर केला होता असा खुलासा निवडणूक निर्णय अधिकारी पांडुरंग लहाने यांनी केला आहे.

तर तहसीलदार सुरेंद्र देशमुख यांनी विलंबाबाबत खुलासा सादर करण्याचे आदेश निवडणूक अधिकाऱ्यांना दिले आहेत. निवडणूक खर्चाचा तपशील दाखल न करणारा उमेदवार निवडून आलेल्या व ग्रामपंचायत सदस्यांना पाच वर्षांच्या कालावधीसाठी ग्रामपंचायत सदस्य म्हणून राहण्यास किंवा सदस्य होण्यासाठी निवडणूक लढविण्यास अपात्र ठरवले जाण्याची कारवाई होण्याची शक्यता आहे.

महत्त्वाच्या बातम्या

• कॉंग्रेसच्या कार्यकारणीत राजीव सातव यांची पत्नी प्रज्ञा यांना पक्षाने दिली मोठी संधी, भावूक होऊन म्हणाल्या…
• ‘विराट ‘या’ दिवशी करणार शतकी खेळी’; 19 वर्षीय भारतीय क्रिकेटपटूची भविष्यवाणी 
• जनताच कुंभकर्णासारखी झोपलीये, मी एकटाच कधीपर्यंत लढू? – अण्णा हजारे
• औरंगाबाद काँग्रेसमधील गटा-तटाच्या राजकारणाचा ताळमेळ जमवण्यात नाना पटोले यशस्वी झाले का?
• ‘ओबीसी आरक्षणावर अजून निर्णय नाही, येत्या शुक्रवारी होणार बैठक’, पटोलेंची माहिती